更多
2016-11-07
347 瀏覽
渦心小店！從來冇寫過食評今次第一次！因為冇諗過寫所冇影相，有乜唔啱請多多見謜！渦心之旅從攞位開始！「唔該三位！」老版回應：「係咪四位！」哦！我唔記得咗手抱個細女！連大女一家四口先真！哈哈！入到去老版問要唔要BB櫈！眼見細女得十個月大應該坐唔到！老版話攞俾我睇睇先！心諗係唔係Ikea嗰張膠櫈呢！"驚喜1"～原來係張日式有餐台嘅BB櫈！因為之前係日本公司見過要二千幾但唔捨得冇買！處理完細女到大女喇！大女話唔坐BB櫈，但佢又細粒坐餐椅又矮仔喎！咁Daddy就諗住搵D cushion墊高佢(呢間cafe好多cushion好似返咗屋企)！但老版又有法寶佢攞咗個專俾小朋友用嘅兒童坐墊，嘩！超正！"驚喜2"點菜時間喇！經老版推介點咗個薄脆Pizza、豬髀骨、焗田螺同埋藍青口！等緊食嘅時候亞女突然大叫：「一樣架！一樣架！」，原來套兒童餐具同屋企嗰套係一樣架！亞女非常雀躍！食得喇！Pizza ok喎！餅底鬆脆，芝士軟滑香濃！不過記得襯熱食，因為有兩塊最後先食但口感差好遠！豬髀骨"正"！入味、鬆化唔嚡，亞女成支揸住嚟食！焗田螺惹味袛食(特價$40半打)！重點係個薯茸！一般落好多牛油勁咸食唔到薯仔味！但呢
從來冇寫過食評今次第一次！因為冇諗過寫所冇影相，有乜唔啱請多多見謜！
渦心之旅從攞位開始！「唔該三位！」老版回應：「係咪四位！」哦！我唔記得咗手抱個細女！連大女一家四口先真！哈哈！
入到去老版問要唔要BB櫈！眼見細女得十個月大應該坐唔到！老版話攞俾我睇睇先！心諗係唔係Ikea嗰張膠櫈呢！"驚喜1"～原來係張日式有餐台嘅BB櫈！因為之前係日本公司見過要二千幾但唔捨得冇買！
處理完細女到大女喇！大女話唔坐BB櫈，但佢又細粒坐餐椅又矮仔喎！咁Daddy就諗住搵D cushion墊高佢(呢間cafe好多cushion好似返咗屋企)！但老版又有法寶佢攞咗個專俾小朋友用嘅兒童坐墊，嘩！超正！"驚喜2"
點菜時間喇！經老版推介點咗個薄脆Pizza、豬髀骨、焗田螺同埋藍青口！
等緊食嘅時候亞女突然大叫：「一樣架！一樣架！」，原來套兒童餐具同屋企嗰套係一樣架！亞女非常雀躍！
食得喇！
Pizza ok喎！餅底鬆脆，芝士軟滑香濃！不過記得襯熱食，因為有兩塊最後先食但口感差好遠！
豬髀骨"正"！入味、鬆化唔嚡，亞女成支揸住嚟食！
焗田螺惹味袛食(特價$40半打)！重點係個薯茸！一般落好多牛油勁咸食唔到薯仔味！但呢個係淡口但薯仔味又夠濃！I like it !
藍青口果然冇介紹錯！細細隻無渣，鮮甜！唔知用咗乜嘢香草個湯超正！原本諗住叫D法包舐嚟食，但太飽冇叫到！最後Daddy當湯飲埋！
"驚喜3"正當享受緊嘅時候細女辦大事！開大點算？係餐廳入面換？出去街換？惆悵嘅時候老板又有攪作！叫我去洗手間換，原來洗手間可以拉起嗰枱面就變身為一個臨時嘅育嬰間！老板仲俾咗個膠袋我裝住條臭片！估唔到細細間舖都有育嬰間！難得！難得！(我仲發現有塊兒童廁板但亞女今次冇須要用)
整體好舒服！最欣賞係多方面照顧到有小朋友家長嘅須要！抵讚！抵讚！
(後話：可能人手問題，人客多咗明顯地上菜係慢咗！)
張貼