影片
更多
2022-11-06
64 瀏覽
一直都好想試清酒放題，今日就嚟到大角咀呢間関東酒場試吓佢嘅「松」放題，可以三小時任飲各種唔同嘅生啤、燒酎、清酒、同果物酒，啱晒同朋友邊飲邊傾計！我同朋友主要都係揀咗啲清酒同果物酒，而家就簡單介紹吓幾種我哋比較鍾意㗎啦！🍶 雪之茅舍呢枝係秋田縣既酒，味道帶少少甜味，細嘗仲有帶果實既香氣，最後酸度會係口腔內散發，感覺清爽。🍶 伝心放題都跟左幾款佐酒小食，唔怕冇野餸酒，我地仲追加左幾種串燒添！✨關東煮可以每人自選三款食物，我地揀左魚糕、福袋、蝦餅、魚餅同蘿蔔。關東煮既湯鮮美甘甜，而啲食物亦煮到好入味，味道濃淡適中。我最中意既係蘿蔔同魚糕，蘿蔔多汁鮮甜，魚糕超soft，入口即化～✨佐酒小食炸墨魚咀外層超級脆，但入面既墨魚咀就非常有咬口，配上蛋黃醬好惹味，好啱用黎餸酒；池魚第一次食，肉質肥美，魚身部分炸到鬆軟香口，而魚尾部分就脆卜卜，口感好有變化～煎餃熱辣辣，外表煎到金黃色，而且煎到有黃金既脆底，枝豆份量好多，同平時食既冇咩分別～✨串燒叫左雞心、和牛、菠蘿、豬腩肉。呢到既燒豬腩肉同燒雞心非常出色，豬腩肉肥瘦相間，燒到外層焦香，逼哂啲油出黎，食落唔會好油膩，但有豬油既甘香。雞心冇奇怪既異味，搽左照
一直都好想試清酒放題，今日就嚟到大角咀呢間関東酒場試吓佢嘅「松」放題，可以三小時任飲各種唔同嘅生啤、燒酎、清酒、同果物酒，啱晒同朋友邊飲邊傾計！
我同朋友主要都係揀咗啲清酒同果物酒，而家就簡單介紹吓幾種我哋比較鍾意㗎啦！
🍶 雪之茅舍
呢枝係秋田縣既酒，味道帶少少甜味，細嘗仲有帶果實既香氣，最後酸度會係口腔內散發，感覺清爽。
🍶 伝心[稻|純米酒
呢枝係福井縣既酒，味道輕飄溫和，平順好入喉，女仔一樣好啱飲～
🍶薰紅茶酒
味道偏甜，適合加冰飲用。用左錫蘭紅茶同伯爵茶黎釀制，所以擁有非常濃郁既茶香，仲有淡淡既伯爵茶香氣。
🍶 尾瀨之雪檸檬柚千酒
我超中意呢枝酒！就好飲佢既名咁用左檸檬同柚子釀製，酒精濃度低，口感溫和，飲落就好似喝新鮮果汁咁。而且佢係用燒酎黎整，所以冇純米酒製成既酵母味，感覺更清爽！
野食方面，飲酒之前會有一杯雞湯，比大家墊墊胃。而且「松」放題都跟左幾款佐酒小食，唔怕冇野餸酒，我地仲追加左幾種串燒添！
✨關東煮
可以每人自選三款食物，我地揀左魚糕、福袋、蝦餅、魚餅同蘿蔔。關東煮既湯鮮美甘甜，而啲食物亦煮到好入味，味道濃淡適中。我最中意既係蘿蔔同魚糕，蘿蔔多汁鮮甜，魚糕超soft，入口即化～
✨佐酒小食
炸墨魚咀外層超級脆，但入面既墨魚咀就非常有咬口，配上蛋黃醬好惹味，好啱用黎餸酒；池魚第一次食，肉質肥美，魚身部分炸到鬆軟香口，而魚尾部分就脆卜卜，口感好有變化～
煎餃熱辣辣，外表煎到金黃色，而且煎到有黃金既脆底，枝豆份量好多，同平時食既冇咩分別～
✨串燒
叫左雞心、和牛、菠蘿、豬腩肉。呢到既燒豬腩肉同燒雞心非常出色，豬腩肉肥瘦相間，燒到外層焦香，逼哂啲油出黎，食落唔會好油膩，但有豬油既甘香。雞心冇奇怪既異味，搽左照燒醬汁，味道甜甜地，肉質柔軟，燒到啱啱好濕潤唔乾身。
張貼
