錦麗 (世貿中心) (已結業)

晚上同太太到銅鑼灣行街shopping，喺世貿中心附近諗緊食乜，見到原來世貿有錦麗嘅分店，於是乎諗都唔諗就走上去睇下多唔多人等位先。之前喺中環返工，成日聽到啲人經過蔡瀾嗰間越南粉，都話排隊排到乜咁食唔到；跟手有同事話呢間錦麗都唔差，而家有機會就梗係要試下啦！我地兩個都係叫左應該係最多人嗌嘅綜合越南粉，入面有生牛肉，熟牛肉及牛丸，一次過滿足曬想試勻所有野嘅人。枱面有教人食河嘅步驟：1. 首先趁熱飲一啖湯頭先2. 將隨粉附上嘅香葉，九層塔搣碎加入湯入面3. 再將剩餘嘅青檸同辣椒，芽菜加入麵中4. 食得聽佢講，粉一到即刻飲左啖湯先，湯頭係甜嘅，應該都用左好多牛骨黎熬出黎嘅，我老婆就話個湯底甜左啲。然後將其他配料加埋落去就開餐啦，啲河粉粗幼軟硬都適中；生牛肉經熱湯略微焯熟，呈現半粉紅色，入口嫩滑。熟牛肉其實即係牛腩，對於鐘意食牛腩嘅我黎講，呢個牛腩算係唔錯，紋理清晰，稍微帶些少根膜，清香入味，比嗰啲十記牛腩好食十倍啦。最唔起眼嘅牛丸竟然喜出望外咁好味，一口咬落去有juicy嘅感覺，亦有牛肉嘅牛香味，正！另外仲點左一份牛油雞翼，賣相冇乜特別，但咬落香脆熱辣，上面有一堆牛油蒜蓉，喜歡牛油同蒜蓉嘅朋