鐵金剛 (已結業)

成日周圍去食野既我，今次同幾個朋友去到深水埗，見到呢間「鐵金剛」門面唔錯幾乾淨，裝潢幾靚。睇完一輪餐牌，就叫左「鐵板芝士肥牛飯+配餐飲$39」、「公司什扒飯+配餐湯餐飲$69」、「西冷牛扒餐+配餐湯餐包餐飲甜品$89」。差啲唔記講，原來係唔洗收加一服務費嫁。🍛🍝「鐵板芝士肥牛飯」配上黑椒汁，肥牛可見好多，其實有啲似吉野家牛肉飯咁既感覺，味道中等啦，唔太差，都算抵食既。🧀🐮🍛「公司什扒飯」配上蒜蓉汁跟飯，賣相普通，有煎蛋、雞扒、豬扒、火腿扒。味道唔差，份量都算足夠。🐓🐖🍳🍛「西冷牛扒餐」配上黑椒汁跟意粉，仲有半條粟米及薯條。不過西冷牛扒食落有啲啲靭，比較多筋，份量都足夠既。🐮🌽🍟🍝最後，老闆娘仲送多件甜品比我地試，幾好人。「咖啡奶凍」、「啫喱」，食落唔算太甜，唔錯，最好食都係咖啡奶凍。🍮🍮「餐牌」我已經影左上載至openrice既「餐牌」入面啦，方便大家查閱相關菜式。📔