佢地既梳乎厘都幾多款式,我最後揀左酒心Oreo味,另外實在太熱,所以叫左杯芒果沙冰。我落單個陣,職員話堂食即叫即整要等15-20分鐘。佢地有幾張櫈係鋪頭旁邊,所以都可以堂食,可惜無冷氣,得部風扇,聊勝於無。
芒果沙冰首先送到,急不及待試一口,確實係冰涼,芒果味都幾香,只係天氣太熱,好快就變左芒果汁😅
等左20分鐘左右,終於等到上菜,賣相十分吸引,而且都幾足料。梳乎厘非常軟熟,羹叉輕輕一吉就可以分開,搭配Oreo餅碎,令口感上多左重變化,不過就唔係好食到酒味🤔
整體用餐體驗都唔錯,份量合適,味道足夠甜,係用餐環境係後巷(算乾淨)同無冷氣有啲可惜。
酒心Oreo梳乎厘 $50
芒果沙冰(細杯) $15
