九江燒味飯店 (已結業)

前幾日搭車經開九江街，見到新開咗間燒味店，今晚諗住去買少少斬料，但原來夜晚仲有小菜食㗎，最後即場堂食。 坐低叫完茶之後，老闆娘先送上兩碗例湯比我哋，呢度嘅湯係完全無味精，非常健康。 彩虹花姿珊瑚蚌色彩鮮豔，賣相吸引，XO醬加辣椒非常惹味，花姿片同珊瑚蚌新鮮爽口。 炸乳鴿即叫即炸，上檯時熱辣辣，店員好細心送上手套比我哋，估唔到小店都有咁好嘅服務。個乳鴿皮酥肉嫩，味感豐富，色澤紅亮，令人回味無窮。 黑毛豬豚肉蜜汁叉燒肉質柔嫩，真心好耐無食過咁嫩口嘅叉燒，蜜汁甜度啱啱好，帶點燶邊，送白飯一流。