影片
更多
2021-05-24
107 瀏覽
❀ 迷你毛 #深水埗 ❀❗️深水埗少有超大咖啡店 坐得舒適食物又高質❗️——————————————————迷你毛係英文名Minimal嘅譯音，顧名思義餐廳走簡約路線。但話簡約其實裝修又唔算非常簡約，門口有張打卡梳化，一邊用上粉紅色牆，富有少女感覺💞另一邊就主要用啡白色，有大量寬敞枱櫈，唔迫坐得好舒服！食物亦加入玩味元素，最signature莫過於個個都嗌嘅半圓拱形tiramisu，加入薄脆同埋朱古力醬，創新好味😋！另外餐廳仲會定期改良及推出新菜式，價錢亦非常合理，係間真係可以食得飽又覺得好食嘅Cafe (你哋明的🤭)。.✷𝑀𝑒𝓃𝓊✷☞ 帶子龍蝦汁闊條麵 $128 (4/5)當日新推出嘅菜式，好食😆！三粒大大煎得剛好嘅帶子。龍蝦汁非常濃郁，帶點辣味，惹味！再加上少少偽魚子醬，好似三文魚子咁鹹鹹香香，提升鮮味👍🏻。唯獨係闊條麵比較薄，冇正宗意大利餐廳手工意粉咁有咬口，不過以及Cafe定位來講已經好高質，仲要好抵食！.☞ 煙三文魚班尼迪窩夫 $95 (3.5/5)佢哋嘅窩夫🧇都係唔少人必點嘅菜式，除咗煙三文魚Benedict之外，仲有辣手撕豬肉、煎蛋炸雞(mimics Duck&Waffle)
❗️深水埗少有超大咖啡店 坐得舒適食物又高質❗️
——————————————————
迷你毛係英文名Minimal嘅譯音，顧名思義餐廳走簡約路線。但話簡約其實裝修又唔算非常簡約，門口有張打卡梳化，一邊用上粉紅色牆，富有少女感覺💞另一邊就主要用啡白色，有大量寬敞枱櫈，唔迫坐得好舒服！食物亦加入玩味元素，最signature莫過於個個都嗌嘅半圓拱形tiramisu，加入薄脆同埋朱古力醬，創新好味😋！另外餐廳仲會定期改良及推出新菜式，價錢亦非常合理，係間真係可以食得飽又覺得好食嘅Cafe (你哋明的🤭)。
.
✷𝑀𝑒𝓃𝓊✷
☞ 帶子龍蝦汁闊條麵 $128 (4/5)
當日新推出嘅菜式，好食😆！
三粒大大煎得剛好嘅帶子。龍蝦汁非常濃郁，帶點辣味，惹味！
再加上少少偽魚子醬，好似三文魚子咁鹹鹹香香，提升鮮味👍🏻。
唯獨係闊條麵比較薄，冇正宗意大利餐廳手工意粉咁有咬口，不過以及Cafe定位來講已經好高質，仲要好抵食！
帶子龍蝦汁闊條麵
$128
26 瀏覽
0 讚好
0 留言
.
☞ 煙三文魚班尼迪窩夫 $95 (3.5/5)
佢哋嘅窩夫🧇都係唔少人必點嘅菜式，除咗煙三文魚Benedict之外，仲有辣手撕豬肉、煎蛋炸雞(mimics Duck&Waffle)、炒蛋牛油果，同埋全日早餐揀。
當中煙三文魚應該係最多人選擇嘅款式，兩隻poached egg都做到非常流心🍳。
不過荷蘭醬就唔算好多，亦未夠rich，酸味有啲重。
煙三文魚比較薄，窩夫亦唔算好脆，相對普通。
煙三文魚班尼迪窩夫
$95
5 瀏覽
0 讚好
0 留言
.
☞ 薄脆拿破崙 $72 (4.2/5)
將拿破崙整成橢圓形，幾特別。
冇平時拿破崙嗰種酥皮嘅感覺，取而代之係焦糖燉蛋表面層焦糖咁香脆。
內裏夾雜着吉士，加埋炒香左嘅榛子。
最正最正係配上爆爆珠嘅伯爵茶雪糕，驚喜爆燈👍🏻👍🏻👍🏻！
薄脆拿破崙
$72
16 瀏覽
1 讚好
0 留言
.
☞ Tiramisu $72 (4.2/5)
個個必嗌🥰！
其實幾乎間間餐廳或者Cafe都有tiramisu，而且本身製作過程唔複雜，所以好少好難食，但同時亦好難令我難忘。
不過呢度嘅tiramisu果然有驚喜🤩！
將Mascarpone芝士同朱古力混合，表面有咖啡朱古力薄脆、手指餅浸滿咖啡酒同杏仁酒浸過，底下仲有朱古力醬！
芝士、咖啡、朱古力三種味道非常合配😋先會感受到芝士嘅細滑，繼而係咖啡嘅苦澀，慢慢再有朱古力嘅香甜平衡返，後勁仲有酒香，好好食！
Tiramisu
$72
17 瀏覽
0 讚好
0 留言
Tiramisu
$72
19 瀏覽
0 讚好
0 留言
.
☞ 特濃朱古力 $48 (3.5/5)
網上睇圖見到有好多朱古力碎而且湧曬出嚟覺得好吸引(有啲似sensory zero嗰杯)，不過飲落去無想像中咁濃郁，反而同細個喺m gay飲到多啲差唔多🙈。
特濃朱古力
$48
16 瀏覽
0 讚好
0 留言
.
☞ 火龍果乳酪 $46 (3.8/5)
呢杯相對好啲，清新微甜👌🏻。
入口會先感受到好強烈嘅乳酪味，慢慢會再深透火龍果嘅甜味。
另外仲有芒果味選擇。
火龍果乳酪
$46
17 瀏覽
0 讚好
0 留言
——————————————————
✨整體味道: 4.1/5
✨環境裝修: 3.9/5
✨服務態度: 4/5
✨性價比: 4.4/5
✨再訪興趣: 4/5
.
💞整體來講
店主多番提及希望為客人提供到平價優質嘅食物，以及舒適嘅環境，真心覺得店主做得到！以Cafe來講，食物質素頗高，尤其甜品真係好好味😋而且又有創意，唔係一式一樣嘅Cafe食品，分量足夠價錢好合理！真係一間坐得舒適又可以飽肚美味嘅Cafe。
張貼
