金風小館 (已結業)

前兩日夜晚十二點幾喺上水同兩個朋友搵地方食宵夜原本諗住食串燒 ，點知收咗，跟住兜下兜下去到中石化門口，見到有間金風小館新開，行入去睇下原來係打邊爐，原本諗住食宵夜，所以見到打邊爐就想走㗎喇， 點知個職員同我講168蚊任食 ，由於價錢太吸引所以入去坐低咗 ，呢個價錢包任飲任食加一個小食 ，同埋一款湯底 ，我哋揀咗椰子雞 ，職員好細心咁教我哋， 要水滾後 局七分鐘後先食得，結果啲雞真係好滑，同埋好重椰子味，原來佢哋落咗兩個椰子落去， 所以咁甜。其他仼飲任食嘅食品都好新鮮， 種類都算多 ，呢個價錢有咁嘅質素我都相當滿意， 職員服務態度好好， 老闆 仲親自出嚟介紹 ，喺上水搵到一個任食火鍋，而且有質素嘅實在驚喜值得再去！