十字冰室 (淘大商場)

戲院小賣部通常都冇咩好食 淘大UA睇戲平 又有十字冰室
以後睇戲一於嚟多啲呢到


黑椒蜜糖巨人雞脾配懷舊雜果沙律

蜜糖同黑椒簡直係perfect match
雞脾整得非常入味 肉質好juicy 一啲都唔‘鞋’
而且份量十足 有成塊面咁大 下午茶食一流呀
P.S. 雞脾可以帶入去戲院食 不過太香啦應該會好騷擾到人睇戲


十字燉奶(熱)

食完雞脾唔夠喉再嗌多個燉奶食
用十字鮮奶整嘅燉奶奶味十足 入口都幾軟綿綿
口痕想食甜品都可以試下 不過就冇雞脾咁有驚喜啦