洪記粥品 (淘大商場1期)

營業中

休息中

早幾日去咗洪記粥品食，環境乾淨，啲阿姐都幾爽快。叫咗最經典嘅皮蛋肉粥，粥底煲到好綿，唔會有米粒，皮蛋同豬肉都落得幾足，食落去味道好夾，食完暖笠笠。。狀元及第粥，入面咩材料都有：豬潤、豬肚、豬肉丸、粉腸，啲料全部都好嫩滑，冇腥味，尤其豬潤，爽口味美，食落去好滿足。鹹肉粽個粽size隻啱啱好，糯米唔會太濕，入面有鹹蛋黃、瘦肉，啲材料分量適中，鹹香味啱啱好。炒麵都唔錯，炒得乾身，唔會油淋淋，仲有啲芽菜，食落去有鑊氣，可以配粥一齊食。豬潤腸係我自己鍾意嗰種，腸粉滑滑地，入面啲豬潤新鮮，冇腥味，加少少甜豉油就啱晒。飲品叫咗豆漿，唔會太甜，好香豆味，飲落去幾順口。