泰Cool

營業中

休息中

今晚在淘大行街，食完晚餐就響淘大食，我們揀左泰Cool食泰國菜，睇menu見泰式咖喱雙拼好吸引，有兩隻蝦、兩隻軟殼蟹，+ $30仲蒜蓉包或者薄餅，我哋就揀咗蒜蓉包，上嚟有五片蒜蓉包，兩個人夠晒食。咖喱好出色，就算白飯都一定好餸得飯，我同個friend 都覺得好值得叫。另外，我哋仲叫左椰汁雞湯，呢個椰汁雞湯好惹味，有香茅、洋蔥、雞肉，上果時有個火熱住，保持温度。我們再加咗個香芒蟹肉炒飯，呢個炒飯唔係乾身既炒飯，濕濕地既炒飯，蟹肉係鋪左在飯面。因為用手機落單，我們都係睇一樣先叫一樣，甜品就留到食到八八九九嗰時先最後再追加。最後甜品係芒果糯米飯，present 得靚靚仔仔，有白嘅糯米飯同埋紫糯米，食落都好好美，very nice，作為今餐完美嘅結束。