兩姊妹涼皮X株式会社 (啟德零售館1)

第一次試兩姊妹涼皮，鋪頭枱唔多但翻枱快，等咗一陣就入得。叫咗佢哋出名嘅涼皮加雪花雞絲，仲試埋青瓜木耳椒麻雞。


涼皮一上枱已經好吸引，條條又闊又厚，晶瑩剔透。口感滑溜彈牙，吸晒酸辣汁，食落去爽口又爽彈。最驚喜係入面有爆脆豌豆，粒粒香脆，加唔少分！調味汁酸辣開胃，層次分明，刺激得嚟唔會太搶味，食到停唔到口。


不過雞絲就真係非常失望，完全同想像唔同：一舊舊好似免治雞肉再黏埋一齊，睇落似貓糧咁⋯冇咩味，又唔夠嫩滑，好似食緊難食嘅雞胸咁，食落去同涼皮完全冇得比，簡直係格格不入。

1

涼皮+雪花雞絲

反而椒麻雞有驚喜，雞肉幾嫩滑，青瓜同木耳都爽口又入味，麻香唔會太搶，整體味道幾討好。

椒麻雞