更多
2021-01-22
12812 瀏覽
🥢佐敦人氣爆燈海鮮良心海鮮自助餐#食好西佐敦美食 #食好西良心推介 #食好西任食自助餐放題 🥢逸東酒店大家都知道佢地有幾良心，呢到唔多講，酒店地庫除了有一層是food court 之外還有一間超級人氣的自助餐，需要早半個月至一個月前去預訂，今次佢地做緊海鮮主題，之前終於訂到位，一於去試下正唔正🥢成人自助餐$658( 1-6 /12 ,27-30 /12 星期一至四）-自助餐沒有做任何信用卡-駕車人士泊車$50/hrs ,兩小時起-預訂生日蛋糕$68 / $88🥢餐廳設計香港式風格，傳統港式水吧特飲紅豆冰菠蘿冰等等提供，每位可跟餐一杯，續杯只是$15,仲有小時候的扭蛋機，入面裝滿糖果任你扭。而拿食物的地方分開幾處地方，好處是不集中，可以令人流分散都算幾好唔會覺得迫夾🥢凍海鮮提供美國生蠔，味道中規中矩帶少少海水味，另外有麵包蟹可惜沒有蓋，肉質鮮甜膏甘香，仲有小龍蝦，青口同長腳蟹腳，最正是龍蝦超多膏，肉質新鮮夠彈性，而凍螺唔好彩其中一隻唔好彩臭左，搞到即刻去廁所嘔🥢烤肉因為臨近聖誕所以都有提供火雞，火雞味道大家都知道係好似雞胸肉咁冇乜味道而且係鞋口，
#食好西佐敦美食 #食好西良心推介
#食好西任食自助餐放題
🥢逸東酒店大家都知道佢地有幾良心，呢到唔多講，酒店地庫除了有一層是food court 之外還有一間超級人氣的自助餐，需要早半個月至一個月前去預訂，今次佢地做緊海鮮主題，之前終於訂到位，一於去試下正唔正
🥢成人自助餐$658
( 1-6 /12 ,27-30 /12 星期一至四）
-自助餐沒有做任何信用卡
-駕車人士泊車$50/hrs ,兩小時起
-預訂生日蛋糕$68 / $88
🥢餐廳設計香港式風格，傳統港式水吧特飲紅豆冰菠蘿冰等等提供，每位可跟餐一杯，續杯只是$15,仲有小時候的扭蛋機，入面裝滿糖果任你扭。而拿食物的地方分開幾處地方，好處是不集中，可以令人流分散都算幾好唔會覺得迫夾
🥢凍海鮮
提供美國生蠔，味道中規中矩帶少少海水味，另外有麵包蟹可惜沒有蓋，肉質鮮甜膏甘香，仲有小龍蝦，青口同長腳蟹腳，最正是龍蝦超多膏，肉質新鮮夠彈性，而凍螺唔好彩其中一隻唔好彩臭左，搞到即刻去廁所嘔
🥢烤肉
因為臨近聖誕所以都有提供火雞，火雞味道大家都知道係好似雞胸肉咁冇乜味道而且係鞋口，但又食過火雞先至似聖誕節，另外仲有羊同埋牛扒，牛扒味道好香而且夠牛肉味道夠軟腍，可以揀燒汁或者係黑椒汁，黑椒汁真係幾香口
🥢天婦羅/日式串燒
天婦羅炸得幾鬆脆可口，剛剛炸起非常之靚，有啲似專食天婦羅店嘅口味，仲有不同款的鹽可以調味，日式串燒有大蔥，雞心，青椒仔，味道幾好食，幾似日式居酒屋嘅味道
🥢刺身/壽司
刺身壽司睇落都幾新鮮，由其是甜蝦同埋帶子係特別鮮甜好食
🥢瑞士芝士
重點來囉，最期待呢間餐廳食嘅就係呢個瑞士芝士，先自選好配料，有麵包，西蘭花，酸青瓜同埋洋蔥仔，再將熱溶芝士放入，鹹鹹香香真係好好味
🥢甜品
有好多唔同大大小小嘅甜品杯，仲有好好味嘅酒心朱古力，最得意嘅係有扭糖機，而雪糕有軟雪糕同movenpick 揀，款式太多未能試曬咁多樣
🥢總括嚟講有好多食物選擇，仲有燒味檔同埋粉面檔未食，熟食都有好多不同款，太多所以未能一一嘗試，店員收台都好快而且好有禮貌，感覺比平時正式酒店的更輕鬆，店員的body language 都睇得出應該平時唔係做開酒店，似餐廳員工，制服係着T恤，喺呢度食飯反而冇嗰種好拘謹，感覺會輕鬆啲
張貼
