528
21
51
等級8
2017-05-30 6832 瀏覽
大半年前,到訪過尖沙咀嘅「浜焼き」,首嚐即燒新鮮海鮮,因為實在鮮味,至今都仲記憶猶新,但消費唔便宜。早前晌FB見到有家日式放題店,推出「海鮮浜燒 x 日式放題」,但比單食放題只喺貴多$50,$268+10%一位,超吸引。食放題人多好,所以,拉埋夏總同佢老婆,美孚街坊4人行,大嘆海鮮及放題。嚟到門面唔大,入到去都以為唔大,但屈個彎原來裡面好大,個場好長好深。因為我哋揀浜燒,所以,比淨食放題會安排大張少少嘅枱放浜燒爐。專登揀星期一晚嚟,因為「藍色星期一」啲人無咁有心情出街食嘢,搏無咁多人,一人多啲放題就易漏單、出菜慢、招呼又可能無咁好。順便掃描佢哋啲單張俾大家參考,浜燒又好,齋食放題又好,咩日子,咩價錢,一目了然。不過少少溫提,打算食海鮮浜燒嘅話,喺需要預早至少一日前訂座及講明食浜燒,否則海鮮貨源無保証。浜燒又好,放題又好,邊度即點就有我食架。佢哋好似時下唔少放題店咁,外面有自取食物專櫃,就晌入門口附近有凍海鮮、沙律、冷盤小食、少少熱食及甜品。飲品方面,都喺當然自取啦,不過,有驚喜喎,除多組汽水櫃提供多款外國及本地嘢飲外,仲有幾款熱飲,如柚子茶、桂花茶,而所講嘅驚喜位喺有清酒、梅酒任飲。蟲
更多
大半年前,到訪過尖沙咀嘅「浜焼き」,首嚐即燒新鮮海鮮,因為實在鮮味,至今都仲記憶猶新,但消費唔便宜。早前晌FB見到有家日式放題店,推出「海鮮浜燒 x 日式放題」,但比單食放題只喺貴多$50
,$268+10%一位,超吸引。食放題人多好,所以,拉埋夏總同佢老婆,美孚街坊4人行,大嘆海鮮及放題
75 瀏覽
0 讚好
0 留言
嚟到門面唔大,入到去都以為唔大,但屈個彎原來裡面好大,個場好長好深。因為我哋揀浜燒,所以,比淨食放題會安排大張少少嘅枱放浜燒爐。
163 瀏覽
0 讚好
0 留言
專登揀星期一晚嚟,因為「藍色星期一」啲人無咁有心情出街食嘢,搏無咁多人,一人多啲放題就易漏單、出菜慢、招呼又可能無咁好。順便掃描佢哋啲單張俾大家參考,浜燒又好,齋食放題又好,咩日子,咩價錢,一目了然。不過少少溫提,打算食海鮮浜燒嘅話,喺需要預早至少一日前訂座及講明食浜燒,否則海鮮貨源無保証
1075 瀏覽
5 讚好
0 留言
浜燒又好,放題又好,邊度即點就有我食架。佢哋好似時下唔少放題店咁,外面有自取食物專櫃,就晌入門口附近有凍海鮮、沙律、冷盤小食、少少熱食及甜品
自取食物專櫃
131 瀏覽
0 讚好
0 留言
100 瀏覽
0 讚好
0 留言
85 瀏覽
0 讚好
0 留言
79 瀏覽
0 讚好
0 留言
72 瀏覽
0 讚好
0 留言
飲品方面,都喺當然自取啦,不過,有驚喜喎,除多組汽水櫃提供多款外國及本地嘢飲外,仲有幾款熱飲,如柚子茶、桂花茶,而所講嘅驚喜位喺有清酒、梅酒任飲。
自取飲品專櫃
58 瀏覽
0 讚好
0 留言
自取飲品專櫃
47 瀏覽
0 讚好
0 留言
清酒、梅酒任飲
64 瀏覽
0 讚好
0 留言

蟲草花粟米燉排骨

我哋攞緊嘢飲時,但老婆就先嚟一碗燉湯,真喺估唔到放題都有燉湯飲,啲湯算幾足料,又幾清甜。
蟲草花粟米燉排骨
29 瀏覽
0 讚好
0 留言
蟲草花粟米燉排骨
25 瀏覽
0 讚好
0 留言
一如所有放題,點菜紙分門別類放晌枱面,以小型檔案簿釘住啲點菜紙。不過,晌鋪面放置咗超大版本點菜紙,可以一次過睇晒有咩食,如果喺等位期間,不防睇睇諗定揀乜。
115 瀏覽
0 讚好
0 留言
刺身壽司、火炙壽司、卷物
就算浜燒開晒爐,燒緊海鮮,都有段時間要等,所以,我哋第一時間先點一份刺身拼盤攝時間。由於個放題加插埋浜燒,店長又推介佢哋嘅海鮮粥,所以,壽司、卷物就成為被放棄嘅對象,其實望番有咩選擇,部份款式都幾吸引。
229 瀏覽
0 讚好
0 留言
209 瀏覽
0 讚好
0 留言
刺身拼盤

刺身有中拖羅、三文魚、赤貝、油甘魚、希靈魚、北海道帶子、北寄貝、劍魚腩、甜蝦及北海道角螺及象拔蚌,毫無懸念一次過點晒。雖然點4人份,但發覺份量有多無少。裝成一大盆擺得靚靚仔仔,睇落啲刺身色澤新鮮,試完覺得款款唔錯,味道鮮甜,鮮甜嘅就鮮甜,油潤嘅就油潤,煙韌嘅就煙韌,又無話未解好凍仲有冰雪感,放題店俾到咁嘅貨色,算好有水準
刺身拼盤
32 瀏覽
1 讚好
0 留言
海鮮浜燒

食完啲刺身,啱啱好啲海鮮都有得食,而初時捧盆海鮮出嚟,非常有睇頭,為怕客人唔識燒而嘥晒啲海鮮,所以有專人服侍幫你燒,而且,個店長一人同時睇三五張枱嘅浜燒,同樣應付自如,燒出嚟嘅海鮮恰到好處,點可以唔逐樣海鮮寫呀。浜燒環節都用幾長時間,所以,慢慢點放題嘢食作間場,就成晚可以不停食食食
海鮮浜燒
34 瀏覽
0 讚好
0 留言
鮑魚

雖然唔似上次食高檔浜燒咁食南非活鮑魚,但今次啲鮑魚一啲都唔差,店長原隻燒,之後去殼再燒,燒得帶焦香。只喺灑咗少少鹽吊吊味,啲鮑魚入口煙韌且有彈性,鮑魚味突出,好食。
鮑魚
32 瀏覽
0 讚好
0 留言
鮑魚
33 瀏覽
1 讚好
0 留言
鮑魚
28 瀏覽
1 讚好
0 留言
大蜆

晌燒鮑魚嘅同時,爐旁已燒緊大蜆肉,店長解釋要將大蜆拆肉放入錫紙兜嚟燒,喺因為蜆殼薄,好易爆裂彈到客人。啲蜆肉之後加入埋蒜蓉、辣椒及蔥花,所以,好惹味,但又嗒到蜆肉嘅鮮甜,有咬口得嚟唔會韌到好似擦紙膠咁。
大蜆
29 瀏覽
0 讚好
0 留言
大蜆
26 瀏覽
0 讚好
0 留言
大蜆
22 瀏覽
0 讚好
0 留言
帆立貝

就算唔喺北海道貨色,睇樣都覺得具質素,啲帆立貝同樣加入少少蒜蓉、辣椒及蔥花一齊燒,再灑少少清雞湯,帶子食落彈牙,爽甜。
帆立貝
24 瀏覽
1 讚好
0 留言
帆立貝
24 瀏覽
0 讚好
0 留言
帆立貝
22 瀏覽
1 讚好
0 留言
大虎蝦

虎蝦體形大就知唔喺普通貨色,亦無咩下調味淨燒,所以,食之前沾丁點豉油,蝦鮮味自然盡出,蝦肉又夠晒爽口。
大虎蝦
24 瀏覽
0 讚好
0 留言
大虎蝦
22 瀏覽
1 讚好
0 留言
生蠔

燒蠔跟大蜆做法一樣,都喺拆殼放晌錫紙兜內燒,不過,小弟就覺得無咁嘅需要,好似帆立貝咁原隻燒仲好,更有睇頭。燒完嘅蠔無乜點縮水,放咗些少蒜蓉提味,蠔肉飽滿蠔味濃,又有海水嘅鹹鮮味。
生蠔
20 瀏覽
0 讚好
0 留言
食完以上5款海鮮仲以為浜燒環節完,店長隨後提我哋仲有任食浜燒項目
,不過,就唔喺淨喺海鮮嘢,仲有啲蔬果菜類。因為期間我哋都點咗唔少放題食物,所以,第二轉「浜燒」點少少海鮮,其他就以蔬菜為主。
237 瀏覽
0 讚好
0 留言
任食浜燒項目
23 瀏覽
0 讚好
0 留言
而依一轉可以自己玩吓,因為都唔喺咩難度嘢,但店長特別提一提,如果燒蔬菜可以搽啲清雞湯或鮑魚汁
,出嚟嘅效果無咁乾又會香啲。
22 瀏覽
0 讚好
0 留言
16 瀏覽
0 讚好
0 留言
沙律、小食、燒物
沙律、小食類就無揀到,其實款式都唔喺啲大路普通嘢,例如黑松露鮮蝦沙律,都夠晒誠意啦。而燒物,共有6款,最吸引當然喺我同夏總都鍾意嘅羊鞍啦,如果晌任食浜燒度無揀有機蕃薯仔及有機菠蘿,大可晌度剔番,唔使自己燒就有得食。
220 瀏覽
0 讚好
0 留言
大蝦沙律

雖然無晌點菜紙剔選任何沙律,但晌入門口嘅自助餐枱,就貪得意拎咗杯大蝦沙律,簡簡單單,啲大蝦又爽口,算唔錯啦!
大蝦沙律
23 瀏覽
0 讚好
0 留言
燒紐西蘭羊鞍

老婆少食紅肉,就點咗3客試試,羊鞍燒得焦香,加咗黑椒,又有點點羊羶香,夠晒惹味,而且,口感軟腍又極富肉汁,正喎。
燒紐西蘭羊鞍
19 瀏覽
1 讚好
0 留言
串燒、火鍋、主食
呢幾類食物都好精彩,串燒有4款,不過,純個人喜好,只點牛舌,浜燒都食咗咁正嘅虎蝦啦,就無謂再點類同嘅鹽燒海蝦。而火鍋、主食類本身無打算點,因為喺太易飽肚嘢,但店長極力推介佢哋嘅海鮮粥(依個連點紙菜都無,喺是日特別推介),難得我哋4個人,就點咗鍋嚟試。
240 瀏覽
0 讚好
0 留言
鹽燒牛舌

同樣牛舌無預我老婆,佢對牛舌麻麻,我就鍾情佢朕獨有嘅牛舌臊味。啲牛舌燒得甘香,簡單鹽同黑椒調味,唧少少檸汁,加上口感煙韌,好食。
鹽燒牛舌
17 瀏覽
0 讚好
0 留言
海鮮粥

份量都唔少喎,真喺夠晒我哋4個人食有餘,粥底唔喺我哋廣東粥底嘅綿,喺日式有米粒嘅粥底,但入口約鮮甜,裡面有唔少料,瀨尿蝦仔、鮮蝦、大蜆、冬菇,我哋仲加隻溫泉蛋落去添,整鍋粥都真喺唔錯。
海鮮粥
11 瀏覽
1 讚好
0 留言
海鮮粥
15 瀏覽
2 讚好
0 留言
天婦羅、炸物
講到香口嘢,有邊個唔鍾意吖,所以,依兩大類都點得比較多啲。天婦羅共有5款選擇,都喺常見款式,而燒物則有6款,部份幾特別。
252 瀏覽
0 讚好
0 留言
松葉蟹棒、蕃薯、南瓜天婦羅

整體而言,天婦羅做得不俗,全部入口都唔覺油,粉漿夠薄又超脆口。當中以蕃薯最好食,夠粉夠香甜。
松葉蟹棒、蕃薯、南瓜天婦羅
12 瀏覽
1 讚好
0 留言
御品榴槤炸彈、芝士年糕

6款炸物以榴槤炸彈喺我最想試,外層喺炸年糕,香脆煙韌,內裡嘅榴槤蓉無欺場,填滿之外,好重榴槤味,叫人食得過癮;而芝士年糕喺老婆心水,當然我都鍾意食,年糕煙糯,配上軟綿綿香濃嘅芝士,正呀。
御品榴槤炸彈、芝士年糕
12 瀏覽
1 讚好
0 留言
御品榴槤炸彈
11 瀏覽
1 讚好
0 留言
芝士年糕
12 瀏覽
0 讚好
0 留言
鐵板燒
依個類別又喺有好多選擇,不過,寫到呢度,你見我哋確實食咗唔少嘢,都仲要預留肚仔試試甜品,所以,鐵板燒都唔會點得太多。
266 瀏覽
0 讚好
0 留言
鐵板牛柳粒

小弟同夏總都喺食肉獸,牛柳粒都喺為我哋而設,啲牛柳粒好軟腍,入口好有肉味,又有蒜香。
鐵板牛柳粒
11 瀏覽
0 讚好
0 留言
鐵板炒雜菌、牛油炒粟米

素菜嘢,都喺老婆要求點嘅,但大家都啱食,志在有多啲纖維落肚,不過,啲炒雜菌同粟米又確喺炒得幾香口。
鐵板炒雜菌
12 瀏覽
0 讚好
0 留言
牛油炒粟米
10 瀏覽
0 讚好
0 留言
去到尾聲,喺甜品時段,晌入門口嘅自助餐枱已放有雪耳木瓜糖水、馬卡龍及朱古力噴泉。
35 瀏覽
0 讚好
0 留言
再入少少,仲有成櫃小甜點,如芝士蛋糕、芒果布甸、朱古力慕絲……等等8、9款。
自取甜品專櫃
37 瀏覽
0 讚好
0 留言
另一邊,仲有自助棉花糖機及爆谷機,真喺有得食,又有得玩

41 瀏覽
0 讚好
0 留言

甜品拼盤

先一口氣拎咗8款返嚟一齊共享,款款的的骰骰,每款試少少,就算8款都好易KO到。質素?就唔講得高架啦,但比預期中好,例如啲芝士蛋糕濃香軟滑,牛乳布甸滑溜奶味濃,志在過吓甜品癮絕無問題。
24 瀏覽
1 讚好
0 留言
27 瀏覽
0 讚好
0 留言
除一大堆自助甜品,仲每位客人奉送一杯Movenpick或Haagen Dazs雪糕一杯,有多種口味選擇。
275 瀏覽
0 讚好
0 留言
292 瀏覽
0 讚好
0 留言
Haageb Dazs焦糖雪糕

各人都揀咗自己心水,小弟嘅心水喺焦糖口味,雪糕入口軟滑,焦糖味好香濃,裡面仲混有唔少焦糖餅乾粒,有少少類似「金寶」咁,脆口得嚟更添口感,認真好食,品牌嘢始終有一定實力。
Movenpick或Haagen Dazs雪糕
29 瀏覽
1 讚好
0 留言
最後,店長都放低張意見卡,打開裡面有唔少問題,由食物、環境、服務、點菜紙……等等多項,雖然唔知寫咗喺咪會真喺改善,但都稱得上誠意十足。
21 瀏覽
0 讚好
0 留言
22 瀏覽
0 讚好
0 留言
去浜燒專門店食一餐,消費確喺幾高,但依家閒日價連埋加一,三舊水都唔使可以落樓,真喺好划算。而放題部份又唔少選擇,水準不賴,上菜、收碟又快手,店員都勤快有禮,喺漏咗一次單,但唔記得喺唔喺我哋無寫枱號,但同店員講聲,好快幫手補番單,所以,服務都好滿意
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
15 分鐘 (堂食)
人均消費
$295 (晚餐)
推介美食
海鮮浜燒
鮑魚
大蜆
帆立貝
大虎蝦
刺身拼盤
燒紐西蘭羊鞍
松葉蟹棒、蕃薯、南瓜天婦羅
御品榴槤炸彈、芝士年糕
海鮮粥
Movenpick或Haagen Dazs雪糕