張公館

營業中

休息中

好耐無飲過茶，最近見得閑就同屋企人去左銅鑼灣【張公館】飲茶。酒樓唔算太大，不過都有房同睇到海景。燒味雙拼拼盤：包括叉燒、燒腩仔同海蜇。燒腩仔皮非常香脆、不過偏肥。叉燒啖啖肉、海蜇非常有咬口而且好入味。紅燒乳鴿：皮燒得幾脆、仲幾juicy，本身都好夠味魚翅灌湯餃：燒住蠟燭上，所以仲係非常熱。湯底非常清有瑤柱同竹笙，而灌湯餃入面有魚翅、肉同蝦，皮薄餡多。脆脆笑哈哈腸粉：腸粉包住鮮蝦春卷，春卷外皮非常香脆而且蝦非常多，非常新鮮熱辣。酥皮菠蘿叉燒包：新鮮出爐、菠蘿皮非常鬆軟、叉燒餡唔會太鹹、而且有新鮮菠蘿。蛋白杏仁茶：唔會太甜，杏仁茶非常香濃桂花椰汁糕：非常特別、有5層唔同味道，最面係桂花、之後蜜瓜、士多啤梨、楊枝甘露、椰汁，好refreshing。