海幸壽司 (已結業)

今日中午我們去咗何文田勝利道嘅「海幸壽司」食午飯！我們叫咗網燒安格斯肉眼、鹽燒鯖魚、海鮮魚湯烏冬同照燒鷄扒烏冬！網燒安格斯肉眼燒嘅火候控制得恰到好處，肉質非常嫩滑，唔會有「嚡」嘅感覺，肉味亦好濃郁！鹽燒鯖魚嘅外皮燒得好香脆，肉質好實好嫩滑！海鮮魚湯烏冬嘅魚湯湯底味道好鮮甜，海鮮嘅份量亦好多！照燒鷄扒烏冬嘅鷄扒肉質相當嫩滑，烏冬嘅麵質超爽口彈牙！跟餐嘅蒸蛋蒸得好滑溜，蛋味亦好香濃！