更多
2019-07-08
1901 瀏覽
早前趁未到暑假，跟太太及細囝入住「香港黃金海岸酒店」，先行好好享受假期。主題套房除了包含大量活動外，更有早餐及下午茶提供，至於晚餐，就不假外求，因為環顧屯門區，似乎找不到一間及得上酒店的「海岸扒房」的西餐廳。難得有幾位朋友都是同時入住，二話不說，正好喝杯酒，聊聊天，享受一個寧靜舒適的週末。下午先係同一地點享用有趣的「主題房間下午茶」，想不到晚上更進一步，來個Fine Dining。下午跟晚上景色截然不同，多添了一些謐靜的氛圍，漸沉的晚霞，令人有種悠然放鬆的感覺。翻開餐牌，最吸引的莫過於「 特選燒牛肉套餐」；由$358起跳，可任選$118以下的前菜/湯/沙律/甜品，真係相當划算。除了自己一家外，仲有幾位朋友一齊食飯，仲好，可以點多幾樣大家share。前菜 Nacho 墨西哥芝士脆片（$118） 混合配上熱溶車打及水牛芝士、橄欖、烤紅甜椒及墨西哥辣椒，尤其是脆片脆卜卜，沾上芝士味道更加濃郁，而且辣辣地，真係好啱配杯啤酒。Cobb Salad 科布沙律（$168） 配料有烚蛋、雞肉、煙肉、牛油果、芝士、車厘茄及羅馬生菜，實在非常豐富，又可以
主題套房除了包含大量活動外，更有早餐及下午茶提供，至於晚餐，就不假外求，因為環顧屯門區，似乎找不到一間及得上酒店的「海岸扒房」的西餐廳。
難得有幾位朋友都是同時入住，二話不說，正好喝杯酒，聊聊天，享受一個寧靜舒適的週末。
下午先係同一地點享用有趣的「主題房間下午茶」，想不到晚上更進一步，來個Fine Dining。
下午跟晚上景色截然不同，多添了一些謐靜的氛圍，漸沉的晚霞，令人有種悠然放鬆的感覺。
翻開餐牌，最吸引的莫過於「 特選燒牛肉套餐」；由$358起跳，可任選$118以下的前菜/湯/沙律/甜品，真係相當划算。
除了自己一家外，仲有幾位朋友一齊食飯，仲好，可以點多幾樣大家share。
前菜
Nacho
墨西哥芝士脆片（$118）
混合配上熱溶車打及水牛芝士、橄欖、烤紅甜椒及墨西哥辣椒，尤其是脆片脆卜卜，沾上芝士味道更加濃郁，而且辣辣地，真係好啱配杯啤酒。
Cobb Salad
科布沙律（$168）
配料有烚蛋、雞肉、煙肉、牛油果、芝士、車厘茄及羅馬生菜，實在非常豐富，又可以配自選香橙乳酪汁或油醋汁，既可惹味又可清爽。
烤焗薯皮（$78）
囝囝就最鍾意食，因為可以蘸點熱溶的車打芝士及水牛芝士，薯皮表面更有煙肉碎、酸忌廉及青蔥，令香味更複雜。
水牛雞翼（$138）
另一款好受歡既小食，又係好啱送啤酒，伴碟有青瓜、西芹及藍芝士醬，但個人覺得根本無須蘸點任何醬料已經好吸引。
湯
干邑龍蝦湯（$168）
先上龍蝦肉，然後注入龍蝦湯，即時瀰漫淡淡的酒香，質地濃稠綿滑，可以話真材實料。
朋友及太太點了周打蜆肉湯（$88）及法式焗芝士洋蔥湯（$88），兩者都煮非常地道，如果點了套餐，又不想食沙律的話，大可考慮啊！
主菜
特殊燒牛肉套餐（$358 / 5安士，$518 / 8安士，$608 / 10安士）
原車推至餐桌旁邊即切，烤至medium rare火喉掌握得準，而且配上 Yorkshire Pudding，老實講，就算係5安士，對女士而言，又真係幾飽肚，但個人不太喜歡蘸點肉汁，反而來點海鹽，令肉味更鮮。
美國肉眼扒（$398）（10安士 / 280g）
仗著人多，點了好幾款主菜，雖然肉質及不出前者，但配上時蔬菜、薯條、法式蛋黃醬及黑椒汁，都相當抵食，總之是各有捧場客。
烤嫩豬排骨（$198）
朋友一致讚好的排骨，肉質細嫩，而且非常惹味，配上烤粟米、西蘭花及粗薯條，根本要兩三個人分享。
保雲蘇焗大蝦（$388 / 6隻）
今次除了點肉類外，更有家禽及海鮮，烤大蝦足足6隻，有時蔬、烚薯伴碟與及可以蘸點檸檬牛油汁，令蝦隻味道多添變化。
烤雞（$168 / 半隻）
雞皮烤得香口，雞肉部分會比較「鞋」口，但總不會任何食物都十全十美的，個人覺得已合格有餘，加上配搭烤粟米、西蘭花及粗薯條，份量好足，一個人，尤其是女士們，真的難以將整碟消滅。
香煎北海道帶子（$288 / 5隻）
帶子質素極好，肥大肉厚，簡單的煎香兩邊，而中間保持幼嫩，再配以新鮮時蔬、薯蓉及澆上香草牛油汁，清新可口，其實感覺反而有點似沙律。
甜品
雙重朱古力布朗尼配朱古力雪糕（$108）
建議放到最後先食，因為朱古力味道太澎湃，好容易蓋過其他甜品的味道。
蘋果金寶配雲呢拿雪糕（$118）
雖然製作時間需時要三十分鐘，但絕對是店方必食名物，表層烘得酥化，甜酸度恰到好處，入口時要小心燙到嘴，配上雲呢拿雪糕，冷熱的對比，令人更挑起食慾。
秘製香滑芝士蛋糕配時令莓果（$128）
芝士味好香濃，不過好幾款甜品都比較重口味，未免影響了味覺。
說說笑笑，又過了一個愜意的晚上。
張貼
