馬六

營業中

休息中

某天下午去左土瓜灣揾朋友一齊食晏，土瓜灣好多野食，朋友話帶我去食海南雞，之後就去左馬六，等左一陣位，職員叫我地用消毒搓手機消毒雙手，職員都會响客人入座之前消毒及清潔好張台，仲好貼心甘俾左個透明膠袋俾我地放口罩同濕紙巾俾我地用，之後我地叫左一客海南雞飯，海南雞好嫰滑無雞骨啖啖肉配冬瓜雞湯同油飯，之後仲叫左燒雞穋醬拌摻摻，職員為左唔想令大雞脾俾湯浸淋所以就將摻摻既湯底另外上，雞脾大大隻，啖啖肉，燒到好香，好入味，摻摻係粗既油麵加米粉兩種麵一齊食口感特別，再叫左個蘿蔔餅加左酸甜醬都幾好味。飲品叫左手工拉茶香濃茶味大愛。白咖啡都好好飲，咖啡味濃郁又唔會好苦澀。