金寶餐廳

今日叫了個外賣「馳名無骨海南雞飯」，配油菜，油飯加飲品，盛惠$49。

打開外賣，見到用左咁多盒，有點內疚⋯⋯除左放醬嘅，其他都係可重用嘅微波爐盒，我一定會洗返再用！

講返野食，大家請睇相，咁多野食，有肉有菜，仲要好味！雞味道幾好，無雪藏味，而且無骨可以啖啖肉食！仲有啲花生，酸菜，好醒胃！以我女仔嘅胃口，真係超滿足！

飲品都要讚下，可以揀杞子雪梨茶，好足料，見到雪梨粒同杞子，味道甜甜地又感覺好潤，暖暖地飲落好舒服！

真心覺$49真係好抵！希望大家支持小店！

題外話，老闆娘好忙，落單，樓面，收錢都係佢⋯⋯雖然好忙，但好好禮貌，仲叫我入鋪坐低等～！

1

足料，滋潤！

1

無骨海南雞

1

好抵食

$49