影片
更多
2007-05-13
3 瀏覽
是夜母親節前夕慶祝,一行8大一細:-海南雞($120)半隻:雞淡而無味,無海南雞應有的食味,,而且一d都唔滑,好"鞋",仲要收你咁既價錢,完全唔抵食,好唔掂,無下次.-菠蘿炒飯($88):好普通,毫無吸引力,飯身硬無香味,有少許菠蘿肉(罐頭)及雞肉,唔夠鹹又無味,面頭舖係到個紅色海鮮,有少許似鴛鴦炒飯紅色面個part咁既味道,(黃珍珍個菠蘿炒飯絕對好食過佢多多聲,都係收你$80多元).-炸蝦餅($58):一碟4小塊,仲要幫埋你一開2,超勁細件,絕對唔抵食,味道可以,但唔熱.(相比黃珍珍收你$78有7大件,仲要又熱又香脆,炸蝦餅黃珍珍做得較出色).-星州咖哩炒蟹($155):是夜最好味的一道菜,蟹鮮,咖喱甜而不辣,而且份量又足,個汁用來伴中東包或白飯食,非常好味,我全屋企人都喜歡.-南瓜紅咖哩海鮮($88):咖哩帶有香茅味,好香好味,而且南瓜原個上,海鮮都ok但絕唔對唔係新鮮,但汁唔夠而且好"杰",用來伴飯ok.-黃咖喱牛筋腩($68):整碗只有5-6小件的牛腩,找唔到有筋,實在細到差d找唔到,其它係薯仔同洋蔥,超唔抵食.但味道都可以,但都係無下次.真係食碗牛腩麵都仲多牛腩過佢.-朱頸肉
-海南雞($120)半隻:雞淡而無味,無海南雞應有的食味,,而且一d都唔滑,好"鞋",仲要收你咁既價錢,完全唔抵食,好唔掂,無下次.
-菠蘿炒飯($88):好普通,毫無吸引力,飯身硬無香味,有少許菠蘿肉(罐頭)及雞肉,唔夠鹹又無味,面頭舖係到個紅色海鮮,有少許似鴛鴦炒飯紅色面個part咁既味道,(黃珍珍個菠蘿炒飯絕對好食過佢多多聲,都係收你$80多元).
-炸蝦餅($58):一碟4小塊,仲要幫埋你一開2,超勁細件,絕對唔抵食,味道可以,但唔熱.(相比黃珍珍收你$78有7大件,仲要又熱又香脆,炸蝦餅黃珍珍做得較出色).
-星州咖哩炒蟹($155):是夜最好味的一道菜,蟹鮮,咖喱甜而不辣,而且份量又足,個汁用來伴中東包或白飯食,非常好味,我全屋企人都喜歡.
-南瓜紅咖哩海鮮($88):咖哩帶有香茅味,好香好味,而且南瓜原個上,海鮮都ok但絕唔對唔係新鮮,但汁唔夠而且好"杰",用來伴飯ok.
-黃咖喱牛筋腩($68):整碗只有5-6小件的牛腩,找唔到有筋,實在細到差d找唔到,其它係薯仔同洋蔥,超唔抵食.但味道都可以,但都係無下次.真係食碗牛腩麵都仲多牛腩過佢.
-朱頸肉($48or$58):以咁既價錢,可以接受,份量夠而且夠淋.但欠缺一份炭燒的味道.
-煎蠔餅($72):都係好唔掂,蠔唔腥,夠新鮮,但鐵板上竟然無煙出,又無汁,乾爭爭,最閉係無味如無下鹽一樣.同樣絕對無下次.
-蒜茸中東包($25):一客夠熱好味既中東包,可以試下.
-酥油餅($25):一客3件,細件,唔抵食.而且好油.(相比香辣屋會好食好多).
-白飯一客($10):都有飯味,香軟.
加一,無優惠,埋單共$803.
因我家人一向都食開黃珍珍,環境又濶落又好坐.價錢又抵食又好味. 9:00後仲有7折(要有coupon).
如果你想食有咖喱汁的食物,我會覺得泰屋會好一點,但除此之外,我會覺得黃珍珍優勝,所以若然你想食唔同的食物,就選擇合適的店舖.
如果下次就算再去,我相信只會order星州咖哩炒蟹+蒜茸中東包,that's all, no more!
我都係睇完依到既食評先至去試,但無論食評講到幾好食都無用,真係要自己試下先至知.但試完之後就知好多食物都無下次啦!
張貼