CHEF STAGE de Eddy Chu

出左尖沙咀同E先生撐枱腳，我果然冇㨂錯😆環境好開陽，氣氛仲勁正，現場有個叔叔係度彈下結他唱下歌仔，撞正慶祝生日會為壽星高歌一曲🤣而坐正窗邊仲會睇到小小海景添。海鮮拼盤有4隻生蠔、2隻鮑魚、2隻帶子、4隻鮮蝦和4件墨魚🦑非常豐富。拼盤冇跟檸檬🍋同辣汁，原因係餐廳二款特製既醬汁每種海鮮都能配上，好有驚喜。彈牙鮮甜蝦、肥美生蠔、帶子回味，而鮑魚經過醃製，非常入味😌滿足滿足吃海鮮最岩就係飲白酒，帶點果香，順口不澀。 紅咖喱蟹肉配西班牙熱脆麵包麵包非常鬆脆，煙煙銀銀，配上紅咖喱蟹肉魚籽，紅咖哩很香不辣，而蟹肉一絲一絲的，加上魚籽增加口感，非常惹味🤤燒西班牙黑毛豬肋條肉豬肋分量不少，已起骨位，食起來非常方便，煎得好香口。伴菜有菠蘿🍍酸酸甜甜減少油膩感，更有甜甜既紅蘿蔔🥕西蘭花，好睇好食好健康🤩🤩黃油雞扒配松露鮑魚有兩隻爽口鮑魚，雞排煎得岩岩好，嫩嫩滑滑，而香濃既松露醬配上雞排 非常至夾✨醬汁真係好出色。是日甜品係藍苺芝士蛋糕～味道不會過甜，岩晒我口味，滿滿朱古力香，加上酸酸甜甜既藍苺醬，眨吓眼就食晒，非常飽飽既一餐。