一寶中日高級海鮮火鍋 (已結業)

今日同個多年無見面嘅朋友食飯！一般打邊爐嘅食市都好嘈傾唔到計㗎！就算卡位都係咁話！見到雜誌睇到佢地有outdoor獨立屋仔房間好靚！所以今日就算2個人都要嚟感受一吓！  一入到間屋仔！嘩！玻璃屋咁！好浪漫丶好有Feel！部長都好有禮貌推薦啲海鮮套餐！不過我就鐘意散叫！湯㡳我叫咗原個冬瓜盅金華火腿瑤柱！個湯底整體都夠味！不過可以再濃味啲！幸好鮮菇味都搭夠！然後都係例牌菜！叫啲刺身做小食！好似我呢啲邊爐精！刺身已經食到厭！都係求新鮮食完唔痾就ok！大帶子同花籠龍蝦刺身還可以㗎！個龍蝦頭就加落個湯底度滾湯丶好甜！個龍蝦頭爆曬膏！最好食係呢個！其他牛肉、海鮮、餃子丶豬肉丶蔬菜菇類都算可以！埋單2個人要2500左右！不過不失啦！