更多
2021-01-13
4501 瀏覽
疫情緣故久久未能出遠門，朋友就推介到離島走走散心。位於大嶼山下長沙泳灘嘅Bathers係真心香港難得一見嘅隱世西餐廳，可以吹住海風，享受日光沐浴進餐嘅舒適感。交通方面可以選擇從中環碼頭6號搭船到梅窩，再轉的士/搭巴士入去下長沙沙灘。行一條小斜路就到沙灘，餐廳喺右邊。注意：開往梅窩的船也分成普通船與高速船，行船時間普通船約50至55分、高速船約35至40分。平日同假日前往，最好打電話預訂，避免山長水遠摸門釘或者無位的情況。適逢新年週末，Bathers餐廳設計咗套餐大約500蚊一位。當然都可以單點A La Carte。Appetizer係呢個鷹嘴豆泥配橄欖、麵包、青瓜同蘿蔔條，食材處理比較原汁原味。Crispy salt and pepper squid，味道不過不失，鹹香唔算好出。牛油果雞肉沙律，配以甜彩椒，非常清新，個人比較喜歡呢個菜式。Main course本小姐叫咗Seabass煎海鱸魚，魚肉嫩滑，醬汁味道好夾。牛扒（medium rare）端上來嘅時候熱騰騰，肉質有口感，牛味唔算好出。套餐內有甜品brownie配海鹽焦糖雪糕，鹹鹹的配甜甜的，就這樣結束一天也不錯啊！餐廳望出去就係
Appetizer係呢個鷹嘴豆泥配橄欖、麵包、青瓜同蘿蔔條，食材處理比較原汁原味。
Crispy salt and pepper squid，味道不過不失，鹹香唔算好出。
牛油果雞肉沙律，配以甜彩椒，非常清新，個人比較喜歡呢個菜式。
Main course本小姐叫咗Seabass煎海鱸魚，魚肉嫩滑，醬汁味道好夾。
牛扒（medium rare）端上來嘅時候熱騰騰，肉質有口感，牛味唔算好出。
套餐內有甜品brownie配海鹽焦糖雪糕，鹹鹹的配甜甜的，就這樣結束一天也不錯啊！
餐廳望出去就係一片海灘，所以唔少狗主都帶埋毛孩出嚟活動，大人小朋友玩完沙就入嚟餐廳享用美食，真係美滿嘅一日（著靚鞋嘅朋友要小心，地面都有唔少沙）。餐廳內外籍朋友居多，整個氣氛真係好似去咗美國一個小鎮度假咁。想靜靜地兩個人/三五知己把酒言歡，Bathers值得一去。
張貼
