更多
2021-05-19
1271 瀏覽
中上環半山一帶有唔少特色小店，碰巧探訪住呢區嘅朋友，就嚟咗主打流心牛角包&真空慢煮嘅fast gourmet！招牌龍蝦湯流心牛角包果然名不虛傳，打卡一流之餘味道都唔輸蝕！外表樸實內裏有驚喜，一切開流曬啲湯出黎。微暖嘅龍蝦湯鹹香滋味，快快脆脆打完卡即刻食的話酥皮仲微脆架！美國頂級牛腹扒配香煎鵝肝Hanger Steak係我最愛嘅部位之一，以慢煮方式烹調適合不過！牛味香濃，口感軟嫩無比又唔會啖啖油脂。除左常見嘅芥末醬， 仲有廚師自家調製濃厚嘅法式多密醬同埋香甜解膩嘅南瓜pure任君選擇，細節位盡顯心思。慢煮鮮挪威三文魚忌廉意粉低溫慢煮再煎果然唔同啲！外表微焦，內裏熟透依然保持柔滑唔鞋，肉汁充盈。麵條掛滿香滑嘅忌廉，加入鹹香嘅巴馬臣芝士，啖啖滿足！白松露雪糕配焦糖燉蛋慢煮嘅creme brulee屬水準之作，香滑富蛋香，但係口味創新嘅雪糕更勝一籌！松露常用於鹹食，甜品真係第一次～原來一啲都唔違和，甜中帶鹹，入口香氣濃厚，係會上癮嘅味道！白桃芝味特飲&檸檬薑蜜沙冰炎炎夏日，兩杯都係走清新路線嘅好選擇！前者嘅芝士奶蓋做得好挺身，濃度剛好。下面係有氣桃汁，以莓果蓉同埋玫瑰花瓣點綴。香氣陣陣，如果加
招牌龍蝦湯流心牛角包
果然名不虛傳，打卡一流之餘味道都唔輸蝕！外表樸實內裏有驚喜，一切開流曬啲湯出黎。微暖嘅龍蝦湯鹹香滋味，快快脆脆打完卡即刻食的話酥皮仲微脆架！
美國頂級牛腹扒配香煎鵝肝
Hanger Steak係我最愛嘅部位之一，以慢煮方式烹調適合不過！牛味香濃，口感軟嫩無比又唔會啖啖油脂。除左常見嘅芥末醬， 仲有廚師自家調製濃厚嘅法式多密醬同埋香甜解膩嘅南瓜pure任君選擇，細節位盡顯心思。
慢煮鮮挪威三文魚忌廉意粉
低溫慢煮再煎果然唔同啲！外表微焦，內裏熟透依然保持柔滑唔鞋，肉汁充盈。麵條掛滿香滑嘅忌廉，加入鹹香嘅巴馬臣芝士，啖啖滿足！
白松露雪糕配焦糖燉蛋
慢煮嘅creme brulee屬水準之作，香滑富蛋香，但係口味創新嘅雪糕更勝一籌！松露常用於鹹食，甜品真係第一次～原來一啲都唔違和，甜中帶鹹，入口香氣濃厚，係會上癮嘅味道！
白桃芝味特飲&檸檬薑蜜沙冰
炎炎夏日，兩杯都係走清新路線嘅好選擇！前者嘅芝士奶蓋做得好挺身，濃度剛好。下面係有氣桃汁，以莓果蓉同埋玫瑰花瓣點綴。香氣陣陣，如果加埋酒精應該會係氹女仔無得輸嘅cocktail～後者薑味突出，酸酸甜甜，實屬一杯出色嘅乳酪冰飲。
張貼
