螢火

夏日又到左鐵板燒嘅時間，今次到訪主打活海鮮嘅《螢火 》，餐廳牆上有一個極大嘅屏幕投射天燈和櫻花。最得意係寫上自己嘅名字，作為到此一遊。依家做緊做緊推廣，惠顧兩份鐵板餐就會贈送拖羅刺身或者送清酒。晚市套餐 $1190黑魚子鵝肝蒸蛋幼滑嘅蒸蛋加入咸香嘅黑魚子和油脂感十足嘅鵝肝，感覺好新穎。鵝肝多士用左匈牙利鵝肝，厚身又入口即溶。配搭意大利焦糖醬和麵包可以減低油膩感。龍蝦廚師會展示生猛活龍蝦，影完相就會拎去香煎。醬汁用左龍蝦膏製成，加添鮮味。鮑魚同樣用左活鮑魚，待煎香再加入海苔汁和黑松露醬，口感有嚼勁。清酒煮蜆好驚喜嘅蜆湯，味道非常鮮甜，冇落任何調味料，帶有清酒嘅酒香。銀鱈魚配洋蔥湯銀鱈魚連魚皮煎到脆身，魚肉嫩滑。酸甜嘅洋蔥會更加帶出鮮味。蝦花蝦炒飯飯粒粒粒分明，加入香煎嘅蘭王蛋，好吸引。麵豉湯由龍蝦頭煮成嘅麵豉湯，特別鮮甜。甜品是日甜品係開心果雪糕，幼滑又唔膩。