金寶泰國菜館

營業中

休息中

下午去九龍城，四圍望下食乜好，首選泰國菜嘅，見到一間有人排隊，但就係唔想排，同埋水都無杯嘅店鋪，我通常唔幫襯。去到呢間，見佢細細間，最鍾意幫襯小店振興下經濟，入左去食。豬頸肉撈檬個豬頸肉好爽，個汁份量啱啱好，檬粉爽嘅，期望青瓜可多少少同埋可加少少花生碎仲好。炒金邊粉係我最愛，初時覺得份旺細左D喎，但食落又ok喎，有鮮蝦嫁，個粉夠濃味，D金邊粉好似比出面幼身少少咁。早後就係個柚子沙律，鍾意食但怕辣，好在佢辣度，我免免強強接受到。去泰國，就整返杯泰式奶茶，細杯左D，但佢末攪均之前嘅漸層幾靚仔，打卡不錯。整體呢餐值90分嘅。