18巷泰國餐廳 (已結業)

一直以來都喜愛吃泰菜，一年總會安排自己去一次泰國，滿足一下自己的食慾。今次有朋友請食飯，就去了位於銅鑼灣的18巷泰菜！位於世貿的18巷，環境頗有情調，坐位舒適。燈光有情調，有懷舊風得來又不會使人感覺殘舊。Drink Menu有好多選擇，由於翌日要上班，所以唯有選擇非酒精飲品😭叫左杯雪裡香，內有香蕉及火龍果，兩者混合起來又出奇地夾！好好飲，不會太甜，好香香蕉味！由於朋友請客，當然食豪佢，叫左個沙煲翅一齊食！啲翅係一梳梳，好正！分左一小碗都好足料鮮蝦刺身可能大家都覺得好普通但要啲蝦甜而又無雪味係有難度！但呢度的鮮蝦刺身就做到喇！呢個蟹又係不得了，黑椒味濃，好香，一擺上枱大家都「嘩」，真係好香好大份！隻蟹好厚肉，好甜！除左蟹同黑椒吸引，蔥段都好入味！炒飯唔會太濕或太乾身，剛剛好！混合腰果同肉鬆同食，感覺不會太膩。係時候要食啲菜清清腸胃糯米飯有黑糯米飯同普通糯米飯，用的芒果香氣撲鼻但不算太甜，混合椰汁糯米飯一起食，甜度恰到好處！整體來說，質素很高，有機會一定再來。