泰贊- 創意泰餐廳 (已結業)

係大埔行街行到好夜，已經九點幾，好多食食店都已經過收舖。唯有係超級城打個轉睇下仲有無店營業。最後入左呢間食泰國菜，叫左墨汁軟殼蟹意粉、豬手飯同魔鬼朱古力巴菲。墨汁軟殼蟹意粉個汁就好黑，但蟹就較為一般，無乜特別。相反豬手飯就好味得多，汁好味，肉就肥瘦適中，而且價錢唔算太貴。好戲在後頭，朱古力巴菲充斥住滿滿既朱古力醬，配有一球仔軟雪糕係面，有半杯brownie，中意朱古力既朋友一定要試！總括而言，甜品值得一試！