好好彩因為同另一半都想早食晚飯而唔洗排好耐就入到去餐廳坐低😛
我哋2個人一坐低就即刻掃Code落單～我哋嗌咗涼拌牛肉沙律、一個幾得意叫女婿蛋嘅菜式同埋招牌燒牛肩胛肉再+1個咖喱蟹肉飯做主食，嘢飲竟然比我見到有泰式嘅綠奶茶😳即刻嗌咗嚟試真係幾清新幾好味仲要唔算超甜😍
涼拌牛肉沙律嘅牛肉比例上好足，醬汁又調得啱啱好、酸甜感勁開胃，btw 我覺得女婿蛋依款特式小食做完gym想補充蛋白質嘅我哋真係好岩食🤣唔想食白烚蛋冇味咁慘一定要嗌佢，水煮蛋外層稍為過油加埋醬汁同面頭灑滿乾蔥蒜香口又微甜辣好味😆而個招牌燒牛肩胛肉肉嫩鮮甜又燒得啱啱好仲配埋兩個汁俾你點😋我個人就比較鍾意食青汁。咖喱蟹肉炒飯嘅蟹肉份量都唔少蟹肉幾鮮甜個汁又唔太辣帶有椰香勁好送飯🤣有人勁快清咗碟～
依間店整體味道好好味服務態度又好份量又足👍👍食完依餐喚醒咗我上個月去泰國嘅美食回憶💗不過我真心建議夜晚嘅話大家早啲嚟食飯😂因為我食飽出嚟仲見到大排長龍～
1
1
1
2
4
1
