泰然 (長發廣場)

營業中

休息中

朋友放假約我去青衣食午飯，佢話想食泰國嘢，然後佢就帶我到呢間餐廳。呢間餐廳好大，燈光光猛，牆上有幾幅好有大自然feel嘅掛畫，地方好乾淨，坐位寬闊，坐得舒服。呢度都好多選擇，價錢合理，朋友話事，叫左佢想食嘅嘢。炭燒豬頸肉：份量都唔少，睇個樣燒得唔錯，切得大小適中，唔會好大塊，食落唔算韌，香口，點埋旁邊燒汁食仲好食。焗黃咖喱麵包軟殼蟹：份量多，軟殼蟹夠大隻，炸得香脆，黃咖喱甜甜地，唔太辣，裏面仲有紅黃青椒同埋洋蔥，麵包加埋佢哋點咖喱汁一齊食，原汁原味，好味。冬陰功湯金邊粉：湯底少少辣，酸味較濃。配料有蝦，青口同埋魷魚，都幾鮮味。金邊粉都唔少，吸曬d湯汁夠晒入味，滿足晒又想食粉又想飲湯嘅願望。泰式奶茶：茶膽唔會太濃太苦澀，奶味比較重，甜度剛好，夠冰凍，啱曬咁熱天氣飲。