亞萊嘜嘜 (已結業)

同行嘅友人好鐘意食泰國菜，而我對呢間亞萊嘜嘜聞名已久，一直聽到唔少住新界嘅朋友對呢間泰國菜讚口不絕，今次就一於到元朗試一試。門口同餐廳內嘅裝潢十分新淨整潔，而且充滿泰國風味。晚餐時間見到餐廳入面幾乎滿座，人頭湧湧，好彩岩岩好有張二人枱！呢個嘅餐牌選擇同其他泰國餐廳差不多，但有唔少其他特色菜式，例如係：青咖喱栗子蝦、泰式青檸大蝦皇。二人同行唔食得太多野，於是淨係嗌左冬陰公明爐魚（烏頭）、串燒拼盤同馬拉盞炒通菜。首先黎到嘅係串燒拼盤，一上枱就聞到香噴噴嘅燒烤味，總共有六串，包括牛、豬、雞。串燒調味十分恰當，唔會過鹹，而且肉質鮮美，燒得剛剛好，唔會太乾身。馬拉盞炒通菜，用上蒜茸、紅椒絲、蝦米及蝦醬，少少辣味，十分惹味，而且通菜十分新鮮，爽脆可口。而冬陰公明爐魚最令到我感到驚喜！店員拎佢出黎個時已經有啲嚇親，因為條烏頭真係好大條，肉質非常肥美，店家係材料上絕對冇慳皮呀，上枱後再加熱一陣，落埋冬陰公嘅湯汁就食得喇，魚肉新鮮十足，而且索晒濃濃嘅冬陰公湯汁，真係好惹味，送飯一流！仲有嗌左一杯珍多椰汁冰，椰奶味道濃郁，但又不會過於甜膩，十分解渴！最後嗌左呢度馳名嘅椰汁西米糕同大菜糕，果然名不虛傳，上層