46
1
0
等級7
2022-06-24 95 瀏覽
四月去銅鑼灣「Terroir」慶生時發現同大廈地舖多咗間新餐廳「Amis」,白雪雪嘅門面低調簡約得黎好有藝術感,印象極其深刻。上網調查時,見到啲食物相都幾得,所以就搞咗個迷你大食會去試一試帶有和風元素嘅法國大餐。網上訂座流程十分簡易,適逢法國五月美食薈,預訂埋$1,480/人嘅九道菜「卯月.皐月」品嘗菜單更可獲贈第十道菜,掂呀!新店面積不大,但勝在樓底高高,燈光有情調,而且冷氣足。簡單嘅裝潢已流露出時代感。五人被安排入座店子最中央位置,厚墊椅櫈大方舒適。潔淨企理嘅廚房就喺隔離,所謂近廚得食,無聊時仲可以偷望到師傅們如何備製膳食。餐桌上除咗擺有餐牌、酒杯、水杯、餐巾之外…小燭光旁仲有店子自家製嘅無添加全天然消毒精華噴霧,造到成枝香水咁靚,睇得出設計者一絲不苟嘅態度。抗疫期間當然唔少得口罩套啦,只係環保嘅小肥早就自備咗私家套。西餐廳嘅開瓶費為$500/樽普通裝紅、白、汽酒、清酒;從酒牌上每叫一枝酒即可免一枝開瓶費。由於當晚小組冇諗住飲得太多,所以就交由駐場嘅侍酒師小雲哥哥幫忙選擇佳釀。(小雲哥哥係咪黎自天神村呢就唔公開啦…)五口子結果竟然飲咗兩枝日本清酒,明顯係一個高興嘅晚上!麵包籃上場前
更多
四月去銅鑼灣「Terroir」慶生時發現同大廈地舖多咗間新餐廳「Amis」,白雪雪嘅門面低調簡約得黎好有藝術感
,印象極其深刻。
1 瀏覽
1 讚好
0 留言
上網調查時,見到啲食物相都幾得,所以就搞咗個迷你大食會去試一試帶有和風元素嘅法國大餐
。網上訂座流程十分簡易,適逢法國五月美食薈,預訂埋$1,480/人嘅九道菜「卯月.皐月品嘗菜單更可獲贈第十道菜,掂呀!
48 瀏覽
2 讚好
0 留言
新店面積不大,但勝在樓底高高,燈光有情調,而且冷氣足。
6 瀏覽
1 讚好
0 留言
簡單嘅裝潢已流露出時代感。
3 瀏覽
1 讚好
0 留言
五人被安排入座店子最中央位置,厚墊椅櫈大方舒適。
3 瀏覽
1 讚好
0 留言
潔淨企理嘅廚房就喺隔離,所謂近廚得食,無聊時仲可以偷望到師傅們如何備製膳食。
1 瀏覽
1 讚好
0 留言
餐桌上除咗擺有餐牌、酒杯、水杯、餐巾之外…
3 瀏覽
1 讚好
0 留言
小燭光旁仲有店子自家製嘅無添加全天然消毒精華噴霧,造到成枝香水咁靚
,睇得出設計者一絲不苟嘅態度。
1 瀏覽
1 讚好
0 留言
抗疫期間當然唔少得口罩套啦,只係環保嘅小肥早就自備咗私家套。
32 瀏覽
1 讚好
0 留言
西餐廳嘅開瓶費為$500/樽普通裝紅、白、汽酒、清酒;從酒牌上每叫一枝酒即可免一枝開瓶費
。由於當晚小組冇諗住飲得太多,所以就交由駐場嘅侍酒師小雲哥哥幫忙選擇佳釀。(小雲哥哥係咪黎自天神村呢就唔公開啦…
小布施 “Riz a Sake Naturel” Kimoto 2022,久野九平治本店 黑田庄町“福地” 2019
$1608
1 瀏覽
1 讚好
0 留言
五口子結果竟然飲咗兩枝日本清酒,明顯係一個高興嘅晚上!
2 瀏覽
1 讚好
0 留言
麵包籃上場前,先有濕紙巾俾大家抹一抺手,衛生做到足。
麵包籃:黑水欖麵包、黑麥酸麵包、法式長棍麵包
0 瀏覽
1 讚好
0 留言
每道菜上桌時都有專人作出簡介,就連麵包都唔例外,絕對專業
。暖手嘅麵包全部都係師傅用北海道小麥造出,每天新鮮焗製,三款分別為鬆脆清香嘅黑水欖麵包黑麥酸麵包法式長棍麵包
麵包籃
0 瀏覽
1 讚好
0 留言
自家製牛油:香草牛油、焦糖牛油
0 瀏覽
1 讚好
0 留言
另配兩款同樣為自家製嘅牛油,左邊嘅香草牛油食落咸得黎帶有微微煙燻味,有對比下,個人較為喜愛右邊混入咗黑糖沖繩海鹽焦糖牛油,當中嘅焦糖回香尤其精妙
Amuse-bouche
0 瀏覽
1 讚好
0 留言
Amuse-bouche:為晚餐作序嘅五款餐前小食以拼盤呈上,部份食材源自日本,襯返對木筷子好夾,建議由右上方起順時針方向食。
Amuse-bouche
0 瀏覽
1 讚好
0 留言
第一件食嘅富山灣螢光魷魚已接近水尾,幸好質感都仲好爽脆肥潤,以酸酸甜甜嘅柚子汁去調味,相當醒胃。第二件哈密瓜球拼巴馬火腿可以一羮方哂入口,爆漿嗰吓最好玩
,不過可能火腿嘅咸味太突出,所以唔係好食得出哈密瓜同紅莓果醬嘅甜。玻璃缽中看似平平無奇嘅蒜泥薯波味道竟然最鮮濃可口
,原來薯波用咗咸鱈魚肉打出,外脆內軟,外層黏上嘅貝柱粉吊出魚肉嘅鮮甜,加埋墊底香濃嘅蒜蓉泥則分外惹味。意外地,半球狀嘅肝醬慕絲多士帶有微微辣勁,頂面以無花果醬芽蔥點綴已可中和肝醬嘅膩感,簡單易入口。放喺碟外嘅透明杯入面嘅係日本溫室蕃茄做出嘅清湯,暖暖嘅蕃茄湯味道勁蕃茄。
Amuse-bouche
2 瀏覽
1 讚好
0 留言
Hidden Menu之法國魚子醬:正如網頁上所提到,凡預訂九道菜品嚐晚餐均可享用隱藏嘅第十道菜,亦即原盒冰鎮上嘅十克法國魚子醬
Hidden Menu之法國魚子醬
0 瀏覽
1 讚好
0 留言
應建議第一口先塗上手背就咁食,估唔到魚子醬嘅咸度比想像中低,嘻嘻,輕巧清新得黎仲黎食得出自己隻手手有幾滑喎
!第二口換上用貝殼小羮放入口,魚子醬嘅味道更覺鮮濃,口感亦細膩得多;其餘按個人喜好於餅餅上加配蛋白碎蛋黃碎洋蔥碎法蔥碎酸奶油就變成一口一件嘅餐前小食,如果可以送多杯香檳咁就冇得頂啦!
Hidden Menu之法國魚子醬
2 瀏覽
1 讚好
0 留言
Langoustine Tataki:鮮艷奪目嘅頭盤日本赤座海老牡丹蝦兩款蝦肉組合而成嘅雙海老他他,師傅剁碎蝦肉後混入洋蔥碎柚子汁檸檬汁橄欖油等醃出他他,炸埋隻蝦頭再砌返蝦隻嘅形狀
,擺盤何其精美!
Langoustine Tataki
5 瀏覽
1 讚好
0 留言
因敏感問題,XO仔嗰份係冇果仁成份嘅。海老他他柔潤爽脆,清新醒胃;碟上嘅啡點其實係師傅以蝦膏蝦頭蝦殼濃縮而成嘅秘醬,撈埋他他面嘅蔥花三文魚籽粒牛油果醬一齊食,足以為菜式增添色彩與鮮濃;炸至金黃嘅蝦頭鬆脆無比,最正就係一啲渣都冇
Langoustine Tataki
5 瀏覽
1 讚好
0 留言
Seasonal White Asparagus:當造嘅白露筍粗粗長長,上枱時哥哥仔續一刨上帶有雪茄味嘅烏魚籽,唔打得都絕對睇得先呀
Seasonal White Asparagus
2 瀏覽
1 讚好
0 留言
白露筍咬落相當清脆,淋面奶黃色嘅荷蘭醬內含輕微嘅山葵成份,當中芳香嘅辛辣成功帶出白露筍嘅清甜,無奈小弟唔係咁識欣賞兩塊炸巴馬臣芝士薄片同烏魚籽粉末囉,因兩者嘅重口味好搶同霸道,結果造成畫蛇添足嘅反效果
Seasonal White Asparagus
1 瀏覽
1 讚好
0 留言
Caviar Chawanmushi日式茶碗蒸蛋蛋軟滑鮮甜,舖面有香口嘅炸蟹肉、爽甜嘅炒蟶子及鮮濃嘅魚子醬,極之豐盛!
Caviar Chawanmushi
3 瀏覽
1 讚好
0 留言
Chicken Mousse Morel Mushroom:小肥都係第一次食雞冇肉入口嘅
,啲雞肉精華仲要係被製成慕絲後塞入細細件羊肚菌入面,用上嘅功夫冇人講解根本未必有人食得出。脹卜卜嘅羊肚菌菇味好出好芬芳,一口咬落去,羊肚菌嘅爽脆同雞肉慕絲餡心嘅粗嚡強烈嘅對比好突出;墊底嘅白甘筍松露蓉則好清,拌入濃縮嘅肉汁都毫不膩滯。
Chicken Mousse Morel Mushroom
1 瀏覽
1 讚好
0 留言
Chicken Mousse Morel Mushroom
8 瀏覽
1 讚好
0 留言
Lobster Soup in Bowl:大大隻湯碗先曬出湯料有重量級嘅龍蝦肉鱈魚肉,再由專人斟上熱辣辣嘅龍蝦湯,噴上人頭馬干邑後倒入脆米,即可食用。
Lobster Soup in Bowl
9 瀏覽
1 讚好
0 留言
雖說此為湯品,但對熟識粵菜嘅人黎講應該不難認出其實即係「西施泡飯」,大廚明顯加插咗中菜元素入法日美饌
日本米造出嘅鴛鴦米粒肥肥圓圓,半黏潤半脆卜卜,已去殼嘅波士頓龍蝦肉夠彈牙,龍蝦湯底香濃而不俗,如果啲干邑唔係噴啲精華喺湯面,而係成peg咁上就過癮得多囉
Lobster Soup in Bowl
7 瀏覽
1 讚好
0 留言
晚膳中途,小雲哥哥突然攞出鮮艷吸睛嘅日本海膽中拖羅,告知是日限定魚生原價$380/客,當晚跟九道菜晚餐可以推廣價$180/客品嚐,幾隻為食貓當然係唔會放過啦
日本海膽、中拖羅
4 瀏覽
2 讚好
0 留言
醬油漬中拖羅海膽簡單地襯上生磨山葵紫蘇花,以紫菜包成卷物一口食落去,鮮味迅即洋溢口腔
,外脆內軟嫩,
醬油漬中拖羅海膽
4 瀏覽
1 讚好
0 留言
Apricot Sorbet:主菜環節前先有一球清爽微甜嘅杏桃雪葩為味蕾洗滌一番。
Apricot Sorbet
1 瀏覽
1 讚好
0 留言
主菜共有兩款可選,分別為和牛二重奏及鴨胸,均配備法國品牌靚刀,由貴客自選刀柄顏色。
2 瀏覽
1 讚好
0 留言
Duo of Beef:和牛二重奏選用澳洲M9和牛煮出,後方位置較深色嘅為面頰肉,前方色澤紅潤嘅為牛肋扒。
Duo of Beef
0 瀏覽
1 讚好
0 留言
Magret de Canard:細佬所揀嘅鴨胸望落雖然唔得粉嫩兼好似全熟,不過一刀切落去就知鴨鴨不可以貌相
Magret de Canard
0 瀏覽
1 讚好
0 留言
頂多四成熟嘅鴨肉不單肉質鬆軟,而且肉汁豐沛,燒香咗嘅鴨皮仲好潤甜,塗點墊底嘅車厘子秘汁及伴碟嘅紅菜頭泥即添上清新與果香,菜式輕盈健美
,吃畢仲有種置身於田園嘅氣息,妙哉!
Magret de Canard
0 瀏覽
1 讚好
0 留言
Dessert de Chef:哥哥仔形容主甜品為piña colada嘅實體版,亦即係將名雞尾酒固體化後再重新演繹,淨聽都覺得好分子!
Dessert de Chef
1 瀏覽
1 讚好
0 留言
碟底圓圓嘅蛋白餅及上面白雪雪嘅雪糕都帶有淡薄嘅椰子香,一脆一軟,口感好有層次;旁邊橙色嘅原來係焦糖化咗嘅菠蘿肉,連同玫瑰花瓣食,味道甜中帶少少回甘,整體都幾得意,唯一最後噴上嘅Malibu冧酒精華唔係好夠酒味。
Dessert de Chef
1 瀏覽
1 讚好
0 留言
另上嘅甜品拼盤左起為軟綿微甜嘅雞蛋蛋糕、芳香甘醇嘅抹茶蕨餅、爽脆嘅博多甜王士多啤梨、清甜嘅香印提子及潤甜多汁嘅靜岡蜜瓜
Dessert de Chef:雞蛋蛋糕、抹茶蕨餅、博多甜王士多啤梨、香印提子、靜岡蜜瓜
0 瀏覽
1 讚好
0 留言
晚餐並無包咖啡或餐茶,但可以散點。
28 瀏覽
1 讚好
0 留言
38 瀏覽
1 讚好
0 留言
39 瀏覽
1 讚好
0 留言
銅鑼灣新店「Amis」環境時尚簡潔,服務生專業友善,法日薈萃九道菜晚餐精美細膩,而且充滿驚喜,明顯師傅由設計到選材、烹調、擺盤都花下不少心思同心機
,價格雖然偏高,不過都絕對值得一試!
九道菜「卯月.皐月」品嘗菜單
2 瀏覽
1 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-05-26
用餐途徑
堂食
人均消費
$2100 (晚餐)
推介美食
麵包籃:黑水欖麵包、黑麥酸麵包、法式長棍麵包
麵包籃
自家製牛油:香草牛油、焦糖牛油
Amuse-bouche
Amuse-bouche
Hidden Menu之法國魚子醬
Hidden Menu之法國魚子醬
Langoustine Tataki
Langoustine Tataki
Seasonal White Asparagus
Seasonal White Asparagus
Caviar Chawanmushi
Chicken Mousse Morel Mushroom
Chicken Mousse Morel Mushroom
Lobster Soup in Bowl
Lobster Soup in Bowl
日本海膽、中拖羅
醬油漬中拖羅海膽
Apricot Sorbet
Magret de Canard
Magret de Canard
Dessert de Chef
Dessert de Chef
Dessert de Chef:雞蛋蛋糕、抹茶蕨餅、博多甜王士多啤梨、香印提子、靜岡蜜瓜
Amuse-bouche
九道菜「卯月.皐月」品嘗菜單