160
12
4
等級4
214
1
Cafe Crepe 中環店一直都好想試吓,但係未有機會。依家尖沙咀K11開咗間分店,剛巧嚟到附近,被門外嘅大餐牌吸引住,一於入去食個lunch,打吓卡!店內環境舒適,空間感足。原來除咗薄餅,仲有蛋糕、麵包、沙律和各式飲品供應,以自助買票形式選購食物。Crepe係一種源自法國嘅薄烤餅,一般都是由麵粉、奶油、牛乳、雞蛋和鹽等材料造成混合物,再煎成薄烤餅,之後可以配上其他食材就可成為一碟可鹹可甜的食品,鹹嘅可當正餐,甜嘅又可當甜品。今天正正食咗一款鹹一款甜嘅crepe,非常滋味😋Crepe Francais with Scrambled Egg油封鴨格魯耶爾芝士法式薄餅加太陽蛋($109 + $10)呢款鹹薄餅係中環店嘅signature crepe, 大受歡迎,所以也被引入呢間尖沙咀分店。廚師先把新鮮嘅鴨用慢煮方式長時間烹調,之後撕成鴨絲,再被捲入薄餅內作餡料,餅面也放咗一堆。餡料內還放有瑞士非常出名嘅格魯耶爾芝士添!店主還提議另加上太陽蛋一齊食,會份外滋味。本來覺得法式薄餅鹹食會怪怪地,但原來倒也不錯。薄餅質感微微煙韌彈牙,鴨肉不但吾乾身,而且幾Juicy, 果真配多隻蛋一齊食又真的
更多
Cafe Crepe 中環店一直都好想試吓,但係未有機會。依家尖沙咀K11開咗間分店,剛巧嚟到附近,被門外嘅大餐牌吸引住,一於入去食個lunch,打吓卡!
8 瀏覽
0 讚好
0 留言
6 瀏覽
0 讚好
0 留言
5 瀏覽
0 讚好
0 留言

店內環境舒適,空間感足。原來除咗薄餅,仲有蛋糕、麵包、沙律和各式飲品供應,以自助買票形式選購食物。
5 瀏覽
1 讚好
0 留言

Crepe係一種源自法國嘅薄烤餅,一般都是由麵粉、奶油、牛乳、雞蛋和鹽等材料造成混合物,再煎成薄烤餅,之後可以配上其他食材就可成為一碟可鹹可甜的食品,鹹嘅可當正餐,甜嘅又可當甜品。今天正正食咗一款鹹一款甜嘅crepe,非常滋味😋

Crepe Francais with Scrambled Egg
油封鴨格魯耶爾芝士法式薄餅加太陽蛋($109 + $10)
4 瀏覽
0 讚好
0 留言
0 瀏覽
0 讚好
0 留言

呢款鹹薄餅係中環店嘅signature crepe, 大受歡迎,所以也被引入呢間尖沙咀分店。廚師先把新鮮嘅鴨用慢煮方式長時間烹調,之後撕成鴨絲,再被捲入薄餅內作餡料,餅面也放咗一堆。餡料內還放有瑞士非常出名嘅格魯耶爾芝士添!店主還提議另加上太陽蛋一齊食,會份外滋味。本來覺得法式薄餅鹹食會怪怪地,但原來倒也不錯。薄餅質感微微煙韌彈牙,鴨肉不但吾乾身,而且幾Juicy, 果真配多隻蛋一齊食又真的好正喎!因為烹調鴨嘅時間比較長,而且又想食品天天新鮮供應,所以每日限量發售。
Butterscotch Apple Crisp
蘋果金寶配奶油醬及香草雪糕($98)
7 瀏覽
0 讚好
0 留言
4 瀏覽
0 讚好
0 留言

食完鹹點又到食甜點嘅時候了。呢款蘋果金寶賣相非常吸睛,薄餅面嘅醬汁吱花和酥脆嘅金寶碎多到令人眼花撩亂,兼且又愛又恨!蘋果金寶係英國嘅甜品,但配合埋法式薄餅作甜點,呢個fusion 組合又好夾喎!煙靱彈牙嘅薄餅內有好多暖暖哋嘅蘋果粒粒,酸酸甜甜,餅面則有球香甜可口嘅凍冰冰香草雪糕,加埋酥脆嘅金寳碎、還有 香甜嘅醬汁一齊食,一凍一暖,又甜又酸,有鬆脆有煙靱,感覺好複雜好豐富啊!不同材料加埋起到中和作用,感覺不會太膩。份量大大碟好抵食,但係一個人食略嫌太多,二人分享就剛剛好!

Golden Latte Add Espresso
黃姜鮮奶咖啡($48+$6)
2 瀏覽
0 讚好
0 留言

黃姜鮮奶係頗為流行嘅新興暖身飲料,呢個飲料有好多好處,除咗暧胃外,還有抗炎、助睡眠、提升免疫力等功效。加上顏色鮮艷,好受女士們歡迎。黃姜鮮奶本身係冇咖啡因成份,咖啡控可以加入one shot espresso 刺激味蕾, 微微黃姜味中又嚐到咖啡嘅味道,是一杯幾特別又吾錯嘅選擇。

Matcha Latta 抹茶鮮奶咖啡($48)
1 瀏覽
0 讚好
0 留言

墨綠色嘅綠茶泡泡中間有個白色嘅靚靚心形拉花,好搶眼好靚。未飲已聞到好香濃嘅綠茶味, 口感順滑,沒有苦澀味,微甜。
1 瀏覽
0 讚好
0 留言
2 瀏覽
0 讚好
0 留言

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-04-08
用餐途徑
堂食
用餐時段
午餐