金和潮菜

營業中

休息中

呢間位於油麻地嘅餐廳，主打正宗潮州菜，餐廳座位都幾闊落，仲有部大電視，整體環境燈光光猛。菜單豐富，有小炒、冷盤、雞煲等等。依家喺OpenRice訂枱仲有特別優惠。🥢滷水鵝（例）$138估唔到個份量都幾多，賣相都幾吸引，仲俾咗個辣椒醬同醋汁可以點滷水鵝一齊食。滷水鵝味道濃郁香醇，肉質嫩滑，搭配埋花生同豆腐，真係好正啊！底下都有勁多汁！🥢涼瓜炒牛肉$98最近好鍾意食呢味小炒，用豉汁同苦瓜去炒牛肉，成碟嘢真係好香！份量都幾多！每一嚿苦瓜都沾滿左豆豉汁😚，牛肉口感軟腍。成碟菜嘅火候控制得好好。🥢南瓜滑雞煲$108呢個出乎意料嘅味道！成煲勁多汁🤩🤩，每一嚿雞都好香，沾滿晒椰汁嘅味道。雞肉口感煙靭。✏️整體而言：食物味道都幾出色，都算抵食又大份，餐廳只收茶位費每位$15 ，沒有加一服務費。