Maki拉麵 (已結業)

《Maki拉麵》油麻地地鐵站C出口附近，原來有一間日式拉麵店🍜，同朋友忍唔住入去試試，餐廳環境好日式嘅感覺🇯🇵，牆身畫咗櫻花樹做裝飾🌸。餐前小食有辣味蜆肉，食落有少少甜味同辣味好開胃。藍色清雞湯拉麵 (期間限定) $118湯底咁特別原因係用左蝶豆花而變做藍色，而且飲落好清甜，一啲油膩感都無，勁吸引😋！麵質揀咗軟身但都唔會太過淋，叉燒肥瘦適中，粒蛋好正一咬開係糖心架😍，旁邊枝檸檬汁滴落個湯到拌勻，即刻變做紫色好得意☺️。特濃豚骨拉麵 $82飲完第一啖湯感覺有濃濃嘅豬骨湯味，麵質揀左適中食落幾彈牙，而且拉麵好掛湯，塊紫菜浸落個湯到吸曬啲湯底好正☺️。鹽燒雞腎 $20汁燒雞肝 $26串燒方面叫左2️⃣款，鹽燒雞腎同汁燒雞肝，雞腎好爽口唔會咬落好硬，而雞肝個醬汁好濃郁，燒到好香而且外脆內軟👍🏻。日式芝士蛋糕🍰 $25蛋糕好好食，濃濃嘅芝士味🧀，唔洗點咬就係口腔裏面慢慢融化，如果唔係太飽仲想食多一件🤣。