13
1
0
等級4
115
0
今次經朋友介紹,去左油麻地試一間新拉麵店,叫做MAKI,佢竟然身處於廟街牛雜隔離,完全幻想唔到會有一間日本拉麵店。我都係抱住無咩期望嘅心情,因為香港做日式拉麵,好多都做得唔似樣,我係日本食過好多拉麵,總係有幾種口味特別喜歡,係香港食唔返的。睇睇餐牌,就係佢啦!傳說中要來一試的藍色雞湯拉麵!除左藍色雞湯拉麵,我仲說服我朋友叫一D比較顏色鮮艷嘅拉麵比我影,為求畫面豐富D呀嘛!所以我地另外點左辣味豬骨湯拉麵 + 味噌拉麵。先黎講下呢碗【藍色雞湯拉麵】話說日本東京「本所吾妻橋」有一間叫做 「吉法師 KIPPOSHI」,佢原創左一款鮮藍色的藍色雞湯拉麵,觸目度甚高!我當然就係為左佢而來一試,到底係咪抄襲日本名物呢?藍色【清雞湯拉麵】HK$85但估唔到係,佢用左另一種食材「蝶豆花」去製作湯底,加入大量雞肉,湯汁有好濃重雞肉味,但佢感覺唔油膩,好清新,唔會覺得食左好肥咁。而且佢配料都好多,有兩片豬肉叉燒,就算咬過佢都唔會散開,做得好結實。仲有原隻雞蛋,好足料!雞蛋上面仲插住支野,係咩黎?麵質較粗身,吸湯力夠,麵質彈牙,唔錯。原來佢會比一支檸檬汁你唧落個湯,令佢變成紫色!呢個就係蝶豆花嘅特性!落完檸檬
更多
今次經朋友介紹,去左油麻地試一間新拉麵店,叫做MAKI,佢竟然身處於廟街牛雜隔離,完全幻想唔到會有一間日本拉麵店。
3 瀏覽
0 讚好
0 留言


0 瀏覽
0 讚好
0 留言


我都係抱住無咩期望嘅心情,因為香港做日式拉麵,好多都做得唔似樣,我係日本食過好多拉麵,總係有幾種口味特別喜歡,係香港食唔返的。
睇睇餐牌,就係佢啦!傳說中要來一試的藍色雞湯拉麵!
4 瀏覽
0 讚好
0 留言


除左藍色雞湯拉麵,我仲說服我朋友叫一D比較顏色鮮艷嘅拉麵比我影,為求畫面豐富D呀嘛!
6 瀏覽
0 讚好
0 留言
所以我地另外點左辣味豬骨湯拉麵 + 味噌拉麵。

先黎講下呢碗【藍色雞湯拉麵】
話說日本東京「本所吾妻橋」有一間叫做 「吉法師 KIPPOSHI」,佢原創左一款鮮藍色的藍色雞湯拉麵,觸目度甚高!

我當然就係為左佢而來一試,到底係咪抄襲日本名物呢?

藍色
【清雞湯拉麵】HK$85
但估唔到係,佢用左另一種食材「蝶豆花」去製作湯底,加入大量雞肉,湯汁有好濃重雞肉味,但佢感覺唔油膩,好清新,唔會覺得食左好肥咁。
而且佢配料都好多,有兩片豬肉叉燒,就算咬過佢都唔會散開,做得好結實。
仲有原隻雞蛋,好足料!雞蛋上面仲插住支野,係咩黎?

2 瀏覽
0 讚好
0 留言


0 瀏覽
0 讚好
0 留言


0 瀏覽
0 讚好
0 留言

麵質較粗身,吸湯力夠,麵質彈牙,唔錯。

0 瀏覽
0 讚好
0 留言

原來佢會比一支檸檬汁你唧落個湯,令佢變成紫色!呢個就係蝶豆花嘅特性!
落完檸檬汁,食落仲有檸檬酸咪咪嘅感覺!
1 瀏覽
0 讚好
0 留言

紅色
【櫻花蝦辛辣豬骨湯拉麵】HK$70
1 瀏覽
0 讚好
0 留言

呢碗橙紅色的 辣味豬骨湯拉麵,店主話佢係以九州拉麵以福岡最出名嘅豬骨湯底風格製作。
果然真係豬油味好重,豬骨湯好濃極濃,可以話係我香港第一次食到真係日本食嘅味道,大驚喜!
0 瀏覽
0 讚好
0 留言

麵質同雞湯拉麵都唔同,佢係用左幼麵,因為濃湯用幼麵會較適合,真係相當認真!而且口感同味道都係我東京中野「豔MARU」食到嘅感覺,真係好似去左日本食拉麵!
湯底落左好多櫻花蝦所以好香蝦殼味,好似蝦餅果種香味。
湯底微辣,唔係真係想像中咁得人驚,而且仲帶少少甜味,應該係豬油嘅甘甜,超好食!我連湯都飲埋!
0 瀏覽
0 讚好
0 留言

上面一件非常搶眼就係櫻花蝦餅,雖然比湯浸過,但佢變成上脆下軟,軟得黎唔會腍哂,反而似食緊蝦餅好煙韌,真心正!會再翻啅!


橙色
【味噌豬骨湯拉麵】HK$75
0 瀏覽
0 讚好
0 留言
以豬骨湯底製作,所以豬油味都好香好重,超濃郁嘅口感,味噌味好香,咸咸地,微辣帶甜,呢一碗比較簡單,但都好好味!
豬肉叉燒唔會散開,肥瘦均勻,真心抵讚!

問返老闆,點解佢碗碗麵嘅質地都唔同,原來係因為佢每一款都以日本唔同地區拉麵為主題,所以要配合返當地湯底口味同麵質口感。
認真傾談之下,原來大廚係日本拉麵店學師4年,每年都會轉去不同地區學習拉麵製作,所以我真係食到好多日本地道嘅拉麵口感!
大感動!
大廚表示而佢地所有麵條都係採用日本材料於香港廠房製做,相當新鮮可靠! 

另外我地幾個人,仲叫左一碟串燒試下
4 瀏覽
0 讚好
0 留言

0 瀏覽
0 讚好
0 留言


0 瀏覽
0 讚好
0 留言

雞心 -彈牙,醬汁好甜,唔苦唔腥,少甘香,呢個有驚喜 
1 瀏覽
0 讚好
0 留言

泡菜豬肉 - 好香泡菜好fresh,豬肉油花好重,兩者平衡得好好
1 瀏覽
0 讚好
0 留言

雞軟骨 - 卜卜脆,黑椒香,帶少少雞肉咬口,中規中距 
1 瀏覽
0 讚好
0 留言

雞腎 - 爽彈牙,好原味,無乜調味。 
1 瀏覽
0 讚好
0 留言

牛舌 - 好厚肉!但有筋,難咬少少,好香牛油味,都好腍好易咬。
HK$28咁大串性價比算最高。
1 瀏覽
0 讚好
0 留言

大蔥雞肉  - 大蔥好香甜,帶辣。雞肉好結實好大件,但嫌醬汁唔夠多,可以再多D。
2 瀏覽
0 讚好
0 留言

鰻魚 - 味道正常,不過不失,無驚喜,份量有點少,嫌唔夠喉。
1 瀏覽
0 讚好
0 留言


成餐最滿意係紅色櫻花蝦湯拉麵,我諗我黎緊可能一星期要食一次,止下日本癮先!

店內環境都好有日本居酒屋小店感覺,當去下旅行咁止下癮都唔錯,好過去好多連鎖拉麵店呀!
0 瀏覽
0 讚好
0 留言


0 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-09-09
用餐途徑
堂食
人均消費
$150 (午餐)
慶祝紀念
生日
推介美食
  • 櫻花蝦辛辣拉麵
  • 牛舌串燒