吉野家 (已結業)

去左鯉魚門閒逛，回程途中，突然落大雨，於是即刻走入商場避雨。經過吉野家，見長長人龍，原來下午茶時間。見商場無野行，於是同老婆入去食個下午茶。雖然好耐無食過吉野家下午茶，但望下個餐牌，都好似無咩點變，又無新野推出，於是同老婆食返最簡單嘅烏冬。牛肉昆布烏冬 $27 + 熱奶茶 +$2呢個價錢嘅下午茶真係相當吸引，烏冬入面除左有牛肉、昆布，獅子狗，仲有日式魚蛋。牛肉唔韌，烏冬亦都煙靭，有昆布嘅湯底亦算甜。望落細細碗，但唔駛$30就已經食得飽。老實講，雖然唔算好好食，但絕對係抵食。