阿佳拌麵

營業中

休息中

上到葵芳廣場3樓，好多野小食店都試過，今次係時候食下阿佳拌麵⭐️咁唔洗講，叫份肉燥拌麵($30)就機本，另外再叫左份迷你生煎包($15)。排隊買完好快有得食，拎上手時都仲係熱架! 👍🏼拌麵既配料有肉燥、流心蛋、豆腐、仲有啲好似係小黃瓜絲，味道方面叫左沙茶味。麵質唔錯，唔會太乾或者淋，但肉燥食落相對上有小小偏乾，望落唔乾但食落乾同肉質可能太老，豆腐都幾彈，但口感都一般，係隻流心蛋挽回些少分數。沙茶味道令到個麵都幾重口味，睇下個人喜好。另外係個生煎包，都幾認真麻麻😣，個皮真心乾，入面嘅餡都無乜特別，加上真係好細粒，不推薦。