堤岸酒吧及餐廳

營業中

休息中

一向愛沙律嘅我，Pierside 久不久就會過來食個Lunch ，buffet 對我嚟講，唔需要太多選擇，因為我的肚皮基本上載唔到咁多食物，所以Semi Buffet 好啱我，這裡嘅服務值得一讚，每位職員態度友善、細心，每每都會令你再回來。這裡有多種選擇: 最少兩個 course :湯和沙律+ 甜品湯和沙侓+ 主菜湯和沙律+ 主菜+甜品總之無論大胃王，還是注重健康的OL，總有一款啱你。麵包是自家製，這裡的沙律做得很有心思，無論紅菜頭、黎麥、泰式沙律、日式照燒⋯⋯每個星期都會不斷轉款，他們Mix嘅沙律醬汁，有多款選擇，我最愛raspberry 味，調較得相當恰當，主菜，我很喜歡他們做嘅魚，外脆內軟好食到不得了, 另外薄薄嘅Pizza 也是即叫即做，熱騰騰出來，很開心⋯⋯至於甜品，他們的雪巴是自家做的⋯⋯熱情菓、青檸雪巴好味唔怕肥。雪糕他們是用上Movenpick ,所以每次到來我都很喜歡那香草味的雲呢拿雪糕。還有他們做的合桃撻配上咖啡，簡直是絕配。朋友生日，只要預早訂位同食店講，他們會安排那個棉花糖森林甜品拼盤，每次當事人都會開心到不得了，值得推介的一間酒店食店。