影片
更多
2022-07-26
2192 瀏覽
之前食過午餐，食物水準相當唔錯，今晚食過翻尋味。晚上開晒頂頭串串燈泡，好夢幻呀................近門口嘅室內位只有幾張枱，戶外用餐區擺放多部冷風機，坐底後即時送上凍檸檬羅勒水，解一解暑氣先酷熱天氣持續，未開餐先黎杯凍飲，打開Mocktail 個List， 見到趣怪名字，無相睇，幸好列明材料，自己對號入座 ......哈哈....!粉碎性骨折 ($58) ，應該玩接骨木花個"折"字，成份仲有清新青檸汁，薄荷葉，梳打水加個雲尼拿雪糕，賣想已令人有消暑感覺，入口有清新感覺。攞你命三千.粒 ($48)，當然無三千粒果粒啦，但基本上要有嘅都有，仲有把兒時回憶嘅紙傘作裝飾，飲落有香甜果茶味，依加飲岩數。首先出場係香辣忌廉海鮮扁意粉 ($168)海鮮包括帆立貝，爽口蝦球，蜆及青口，配埋洋蔥，蕃茄仔，個惹味醬汁偏似咖哩，香得黎食到有椰香味，味道偏甜中帶少少辣，好惹人胃口，即時諗到用黎點薄餅/蒜蓉包就正晒，加埋忌廉增加香滑度。撈均後每條扁意粉都掛上好味醬汁，單食都超好味。呢客巨型豬扒跟薯菜 ($188)，絶對符合商品及說明條例，豬扒真係巨型，佔據咗隻大碟嘅一大半面積除咗大，仲有相當厚度，四
近門口嘅室內位只有幾張枱，戶外用餐區擺放多部冷風機，坐底後即時送上凍檸檬羅勒水，解一解暑氣先
酷熱天氣持續，未開餐先黎杯凍飲，打開Mocktail 個List， 見到趣怪名字，無相睇，幸好列明材料，自己對號入座 ......哈哈....!
粉碎性骨折 ($58) ，應該玩接骨木花個"折"字，成份仲有清新青檸汁，薄荷葉，梳打水加個雲尼拿雪糕，賣想已令人有消暑感覺，入口有清新感覺。
攞你命三千.粒 ($48)，當然無三千粒果粒啦，但基本上要有嘅都有，仲有把兒時回憶嘅紙傘作裝飾，飲落有香甜果茶味，依加飲岩數。
首先出場係香辣忌廉海鮮扁意粉 ($168)
海鮮包括帆立貝，爽口蝦球，蜆及青口，配埋洋蔥，蕃茄仔，個惹味醬汁偏似咖哩，香得黎食到有椰香味，味道偏甜中帶少少辣，好惹人胃口，即時諗到用黎點薄餅/蒜蓉包就正晒，加埋忌廉增加香滑度。撈均後每條扁意粉都掛上好味醬汁，單食都超好味。
呢客巨型豬扒跟薯菜 ($188)，絶對符合商品及說明條例，豬扒真係巨型，佔據咗隻大碟嘅一大半面積
除咗大，仲有相當厚度，四面都煎到有焦香位，跟埋香口薯條及煙肉露荀粟米卷，夠二人分享，咁嘅價錢相當抵食。
講返主角先，雖則佢咁健碩身型，但用刀切開時毫無難度; 肉質相當鬆化，無多餘肥膏位，真正可以成塊食晒，配埋個黑椒汁食，出奇地有驚喜呀。
上次無試甜品，今晚點都要食埋先走，多款甜品中要咗呢客玫瑰伯爵茶奶蓋瀑布蛋糕配伯爵茶雪糕 ($98)，賣相中晒女士心水
食前要做多個動作，拉起外圍嘅膠套，WOW...................玫瑰伯爵茶奶蓋一瀉而下，真係似瀑布咁
個伯爵茶雪糕被玫瑰伯爵茶奶蓋包圍住，再配埋伯爵茶雪糕，成件事超夾，甜度岩岩好，令人一試難忘。
戶外用餐區，涼返D天氣應該會仲好D feel，仲可以帶狗仔黎，遲D再搵朋友一齊黎食。
張貼
