鋒膳

營業中

休息中

家父一向對飲食冇咩要求，突然之間有一日話想試吓呢間餐廳，我當然即刻打電話去訂位啦。星期日嘅午餐，可能因為我哋遲咗幾分鐘，最後俾咗第二個，職員都好識做立即喺第二個位開返一張四人枱比我哋。家母一向只喜歡飲茶，幾十年如是，從不厭倦。估唔到佢睇完個餐牌嘅食物，立即比‘爵士湯’ 吸引咗。所有set lunch, 如果點粉麵會跟粟米水，如果係飯嘅就會跟爵士湯。最後我哋要左兩客叉燒煎蛋飯，一客蕃茄豬扒飯同一客蘆筍牛腹肉飯。等左一陣爵士湯送上，味道清甜，應該係有響螺。之後啲飯都嚟埋。先講叉燒煎蛋飯，叉燒味道醃得唔錯，屬於中上貨色。但如果只論叉燒，西x 嘅叉燒比較好食。兩隻太陽蛋煎得好香，但老人家怕膽固醇太高，所以每人將一隻分比我同家姐。家姐點蕃茄豬扒飯，豬扒好林，加隻荷包蛋會好味啲。番茄醬味道一般，感覺新鮮蕃茄味都唔足夠，坦白講，普普通通。蘆筍牛腹肉飯，可能我點嘅時候冇問清楚，原來係有三色椒同洋蔥🧅⋯⋯個人喜好原因所以食慾大減埋單嘅時候先發現佢嘅午餐冇加一。服務員非常有禮貌。睇過OpenRice其他的食評，可能要私房菜set會有更多驚喜。純粹講set lunch, 我對今餐有小小失望。