更多
2019-09-27
10188 瀏覽
每次到訪倚窗閣都有新菜色，而今次主打和牛，每晚係指定時間都有一輪「火焰和牛」供應，澆上了清酒再點火，即時令酒香四溢，論火喉亦控制得相當好，中間位嫣紅，滿咀油香，正。第二樣特別菜色係烤乳豬釀糯米飯，每次只提供兩隻，想食就要留意侍應鈴聲，因為烤得脆卜卜，豬油滲入飯粒好香口，必食。第三樣就令自己充滿回憶的火焰雪山，當年跟太太拍拖時，指定必食，家陣見返，味道不變，真係勾起不少回憶。滋味海鮮站有三點蟹、瀨尿蝦、海蝦、太子魷魚、砂白及藍貝滾海鮮湯，湯底越滾得耐就越濃味，不妨中段時間先拎。 蠔多年來都是提供三款蠔，跟上次一樣，有法國Fine de claire 、美國太平洋及紐西蘭太平洋蠔，當中最喜歡法國蠔的平均，蠔味、爽口及海水味，都比較吸引。海鮮 燕窩藜麥蟹子龍蝦沙律上次已經講過，食慣了凍龍蝦，改為龍蝦沙律，仲要加入燕窩同藜麥，夠晒健康及新意。熱葷 焗龍蝦慕絲魚柳伴香芒熱情果汁魚柳肉質嫩滑，又有芒果的甜美，好味。黑啤慢煮牛尾牛尾炆得夠稔，啤酒味好香。北菇麒麟魚柳同樣是魚柳，又有不同的演繹，薄薄的玻璃芡，令魚肉更滑溜。竹籠糯米蒸鮮蟹糯米飯比蟹肉
每次到訪倚窗閣都有新菜色，而今次主打和牛，每晚係指定時間都有一輪「火焰和牛」供應，澆上了清酒再點火，即時令酒香四溢，論火喉亦控制得相當好，中間位嫣紅，滿咀油香，正。
第二樣特別菜色係烤乳豬釀糯米飯，每次只提供兩隻，想食就要留意侍應鈴聲，因為烤得脆卜卜，豬油滲入飯粒好香口，必食。
第三樣就令自己充滿回憶的火焰雪山，當年跟太太拍拖時，指定必食，家陣見返，味道不變，真係勾起不少回憶。
滋味海鮮站
有三點蟹、瀨尿蝦、海蝦、太子魷魚、砂白及藍貝滾海鮮湯，湯底越滾得耐就越濃味，不妨中段時間先拎。
蠔
多年來都是提供三款蠔，跟上次一樣，有法國Fine de claire 、美國太平洋及紐西蘭太平洋蠔，當中最喜歡法國蠔的平均，蠔味、爽口及海水味，都比較吸引。
海鮮
燕窩藜麥蟹子龍蝦沙律
上次已經講過，食慣了凍龍蝦，改為龍蝦沙律，仲要加入燕窩同藜麥，夠晒健康及新意。
熱葷
焗龍蝦慕絲魚柳伴香芒熱情果汁
魚柳肉質嫩滑，又有芒果的甜美，好味。
黑啤慢煮牛尾
牛尾炆得夠稔，啤酒味好香。
北菇麒麟魚柳
同樣是魚柳，又有不同的演繹，薄薄的玻璃芡，令魚肉更滑溜。
竹籠糯米蒸鮮蟹
糯米飯比蟹肉更吸引，因為蟹汁都滲入飯粒，好惹味。
仲有鮮茄芝士焗雞卷、金菇瑤柱扒時蔬、黃金野菌焗扇貝、印度咖哩雞、摩羅飯、印度烤包及豉油王炒麵。
Carving Station
燒加拿大帶骨牛肉眼扒
實在燒得太好，中間肉質嫣紅，呈medium rare，所以好快無晒。
焗蜜汁有骨火腿
超大隻，外層帶蜜味，有肉香，不錯。
香煎鴨肝配紅桑子蓉
鴨肝份量啱啱好，最好選即煎，因為放太耐少了微脆的口感。
香煎 rosemary 羊扒
羶味不重，而且肉質幾嫩。
加上鐵板芝士腸仔新薯炒牛舌、吞拿魚薄餅及香草耙素菜。
壽司
當然要食火炙和牛壽司同火炙帶子，油香四溢，超正。
湯
燉湯是蟲草花茴香紅花湯，飲落幾清甜。
西湯係意大利菜湯，菜蔬煲至溶化，甜味都跑到湯裡了。
中湯是椰子豬肉煲雞湯，很有家常湯水的感覺。
前菜
種類幾多，而且組合特別，黑魚子蟹肉沙律伴薄脆多士清新甜美。
今次主題係「和牛」，首選黑松露生和牛薄片拌青瓜卷，在油香中帶清爽的口感，不錯。
而上次大力推介既鮑魚，今次的確少了種類，但炭燒鮑魚配栗子雞縱菌薏米沙律同樣惹味，鮑魚依然柔軟，真心推薦。
仲有蕃茄乾直通粉、薯仔沙律、煙火腿菠蘿沙律、韓式牛肉沙律及粟米粒沙律。
素食專區
特設的素食區，的確適合部份人士，提供了日式炒野菜、橄欖油炒粟米粒、蟲草花芹菜炒雙菇、雞㙡菌炒青瓜、鮮茄香草燴鷹嘴豆、燒汁煮鮮菇及味付海帶枝豆。
燒味
豉油雞及蜜汁叉燒是自家出品，尤其是叉燒，有嚼口同蜜味，相當不俗。
甜品
Pancake
餡料有芒果、什果及榴槤味，熱辣辣整好，再澆些少忌廉，好睇又好食。
招牌雲呢拿梳乎厘要趁熱食，軟熟芳香，食多幾杯都唔飽。
大家可不要忘記了招牌3.6北海道牛奶燉蛋白，真係好滑溜，甜度輕盈。
哈根大師
最新口味有由鹿兒島焙茶及牛油曲奇合成的 Hojicha Latte，街外買都要三幾十蚊杯啦！
Movenpick雪糕
有乳酪、薄荷朱古力、法式焦糖燉蛋、意大利芝士蛋糕、意大利奶凍、檸檬青檸與及特濃咖啡，亦可配上大細兩款甜筒，的確是味道大滿足。
Movenpick 杯裝有草莓、瑞士朱古力及雲呢拿味道，乾淨衛生。
Dreyer's雪糕批有比利時朱古力口味，拎住食都得。
至於其他甜品有大人小朋友都鍾意既朱古力噴泉。
另外，有甘栗忌廉蛋糕、蜂蜜香味蛋糕、傳統意大利芝士凍餅、藍莓芝士蛋糕、芒果布甸、招牌芒果拿破崙、杞子落神花雪耳糕、洛神花香梨啫喱、伯爵茶朱古力慕絲蛋糕、桂花杞子糕、木糠布甸與及麵包布甸配雲呢拿汁。
個人覺得傳統意大利芝士凍餅鬆軟芳香，招牌芒果拿破崙酥化可口，都值得一試。
每次到倚窗閣都不會失望，難怪每晚都人頭湧湧。
張貼
