影片
更多
2009-01-14
14 瀏覽
2009年1月10日(星期六)下午朝早發現有D事要捃朋友仔小P，於是打電話約佢~佢OK，所以下午就出MK啦~小P話佢1.00未得，要到2.00甚至2.30，所以我先響公司附近食左野，先慢慢去MK。去到MK，一見到小P就問佢食左野未，小P話未，大家就去捃野食~沿住兆萬對出條碼路向家樂反方向行，去到西洋菜街，望見兩邊既橫街，即刻就諗起，以前朋友帶我黎食既炳記牛牛!!好耐無去過炳記牛牛，但係仍然記得以前食過既焗飯既芝士香味，所以建議小P一定要叫焗飯食!!而我自己因為已經食左大大個飯糰，所以飽飽地就無叫飯，叫左兩個小食止下口痕︰)地板︰因為多食客多侍應又多檯櫈，所以唔係點望得到~牆身︰貼左好多餐牌，仲有炳記牛牛既標誌，最特別係有埋各個職員既相片同職銜檯櫈︰鐵製圓檯、圓櫈，以舖面面積黎講，果度係"塞滿左"檯同櫈 =3=呢間炳記牛牛好得意~坐-唔係特別舒服，食-唔係特別好食，食客各自都無私人空間，但係同朋友相聚既話，永遠都有好好既感覺~是日菜式︰燒銀雪魚 $ 15 - 正確名稱已經唔記得左orz|||係用油煎銀雪魚用生菜托底~或者自己本身鍾意食銀雪魚，而銀雪魚既味道點整都唔錯~所以覺得呢一個小食唔
朝早發現有D事要捃朋友仔小P，於是打電話約佢~佢OK，所以下午就出MK啦~
小P話佢1.00未得，要到2.00甚至2.30，所以我先響公司附近食左野，先慢慢去MK。
去到MK，一見到小P就問佢食左野未，小P話未，大家就去捃野食~沿住兆萬對出條碼路向家樂反方向行，去到西洋菜街，望見兩邊既橫街，即刻就諗起，以前朋友帶我黎食既炳記牛牛!!
好耐無去過炳記牛牛，但係仍然記得以前食過既焗飯既芝士香味，所以建議小P一定要叫焗飯食!!
而我自己因為已經食左大大個飯糰，所以飽飽地就無叫飯，叫左兩個小食止下口痕︰)
地板︰因為多食客多侍應又多檯櫈，所以唔係點望得到~
牆身︰貼左好多餐牌，仲有炳記牛牛既標誌，最特別係有埋各個職員既相片同職銜
檯櫈︰鐵製圓檯、圓櫈，以舖面面積黎講，果度係"塞滿左"檯同櫈 =3=
呢間炳記牛牛好得意~坐-唔係特別舒服，食-唔係特別好食，食客各自都無私人空間，但係同朋友相聚既話，永遠都有好好既感覺~
是日菜式︰
燒銀雪魚 $ 15 - 正確名稱已經唔記得左orz|||係用油煎銀雪魚用生菜托底~或者自己本身鍾意食銀雪魚，而銀雪魚既味道點整都唔錯~所以覺得呢一個小食唔錯~
而值得讚既地方係︰一煎就散既銀雪魚無散到~
巴黎焗豆腐 $15 - 肉醬焗豆腐~用長隋圓形既瓷盤裝住畀肉醬覆蓋住既豆腐小塊~豆腐唔似超市有售既百x豆腐，而肉醬......因為係牛肉+豬肉，而我唔食牛肉，所以就只可以試D豆腐啦~
小P同我都勁鍾意食豆腐，佢可以大啖大啖食D豆腐+肉腐，話好好味︰平淡中帶點精彩，我只可以試少少無肉既醬，都有同感︰D
以小食黎講~唔錯唔錯~值得一試~
火腿肉醬豆腐焗飯 $ 26 - 飯如其名~當初唔知邊巴黎焗豆腐即係肉醬豆腐，所以叫左呢個飯~
因為呢個飯主要係小P食，所以叫既時候我無反對~
但係到後來……食左小食之後令我開始口痕，就偷左佢D飯黎食~
幾乎所有料都佈滿左肉醬，所以我只係食左D加蛋炒底既飯~
因為畀上面厚厚既料覆蓋住，焗飯保留左炒既油香同焗既蒸氣~飯炒得夠粒、有蒸氣唔會太硬-正!!
如果唔係肉醬裡面有牛肉，我實會大大啖食哂個飯︰D
咁多次食炳記牛牛，每一次都食得出佢保持住應有既水準~
雖然唔係會令人驚喜既味道，但每次都能夠做到"幾好味"既水準，以咁樣既價錢同佢款式既多樣性黎講，算係一間非常唔錯既餐廳!!
味道有平淡、精彩之分，太過精彩的味道，不宜經常品味，而平淡總是歷久常新~
所以每次食都覺得唔錯既餐廳，應該就係最唔錯既餐廳︰D
張貼