永年士多 (寶城洋樓)

元朗永年士多喺車仔麵界入面係數一數二咁出名，終於有日同朋友去元朗一嚐美味，果然係名不虛傳！！
永年士多係自助形式，首先去收銀處到叫嘢食，然後喺出餐處等攞餐，位置都係自己等嘅。同朋友分工合作，一個去攞位一個去叫野食！

三餸車仔麵

我叫咗一碗三餸車仔麵- 豬紅，豬腸，牛筋米粉。好足料又湯底一流嘅車仔麵豬紅入味又實淨，唔會一夾就散豬腸夠淋又夠味，唔會好膩牛筋入口即化，唔會硬掘掘總括嚟講，正！好食！掂！

一口奶油多士

我哋叫咗個好邪惡嘅一口奶油多士，啲醬多到滿瀉，好好味😋

椰汁紅豆冰

椰汁紅豆冰，紅豆煮得又淋又化，同椰汁好夾！如果冰塊可以再細粒啲就好啦！

永年士多真係不得了！碗車仔麵真係好好味！一定會再返黎食
永年有指長壽有指長久，希望永年士多長做長有！