影片
更多
2018-08-13
358 瀏覽
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！對於一個肥仔黎講，quota係幾咁緊要！如果浪費左quota係一餐唔好食嘅飯上面，係真係會嬲到震，而今晚馬辣做到了！各位想食嘅請三思，大鴻輝仲有好多更好嘅選擇！首先要澄清一點！香港馬辣唔係台灣個間馬辣！如果有去過台北玩，都幾乎一定會聽過馬辣嘅大名，食物水準高，價錢相宜，我每次去台北玩都一定幫襯！自從聽到話大鴻輝都開左間一樣叫馬辣又係任食嘅邊爐，我就好興奮啦因為唔洗特登飛去台北食之餘，仲可以衝擊一下香港任食邊爐界，正所謂有競爭先有進步呀嘛！事前做資料搜集先知台灣馬辣已經講明無係香港開過分店，咁即係點？大家心中有數啦！你話你係馬辣但實情係你純粹拎人地個名作招來，ok唔緊要，我就當你係生意手法，啱唔啱我唔評論。作為一個食客，講到尾最緊要係好食就得，我話之你叫天
對於一個肥仔黎講，quota係幾咁緊要！如果浪費左quota係一餐唔好食嘅飯上面，係真係會嬲到震，而今晚馬辣做到了！各位想食嘅請三思，大鴻輝仲有好多更好嘅選擇！
首先要澄清一點！香港馬辣唔係台灣個間馬辣！
如果有去過台北玩，都幾乎一定會聽過馬辣嘅大名，食物水準高，價錢相宜，我每次去台北玩都一定幫襯！自從聽到話大鴻輝都開左間一樣叫馬辣又係任食嘅邊爐，我就好興奮啦因為唔洗特登飛去台北食之餘，仲可以衝擊一下香港任食邊爐界，正所謂有競爭先有進步呀嘛！事前做資料搜集先知台灣馬辣已經講明無係香港開過分店，咁即係點？大家心中有數啦！
你話你係馬辣但實情係你純粹拎人地個名作招來，ok唔緊要，我就當你係生意手法，啱唔啱我唔評論。作為一個食客，講到尾最緊要係好食就得，我話之你叫天外天好、無老鍋好定馬辣都好，都唔太重要。但如果你連呢點都做唔到，我極度強烈建議你一係執左佢，一係就改番另一個名唔好整臭人地個朵！你整臭人地個朵，人地正店第日想黎香港開鋪都唔敢，咁係咪我地食客嘅損失！？
講番餐飯，今晚難得老母放假，諗住係大鴻輝已經試過一鍋堂、大鍋口同18樓雞煲，咁無埋由唔試埋呢間，同埋見openrice都好多笑臉評分，所以就去啦。8:30pm上到去，已經中伏味濃，平時呢d時間，只要你間野稍為好食少少都一定迫爆架啦，呢度係完全唔洗排隊直入！唔理啦，轉第二間又無book實餓死，照食！醬油、飲品呢d周邊野都做得足 (抄得足)！
講真，今時今日，市場上有咁多間任食邊爐，食材間間都差不多，只要你唔好貪平入貨，其實大家水準都應該唔差得遠，問題係你點做marketing同service wise去吸客jie，但呢間野係真係連最基本食材都可以做得唔好！
首先，野食大部分採取自取模式，跟足台灣一樣，係牛肉、海鮮同個別食材劃紙落order，個雪櫃擺左好多野食，但係好混亂，d野食飛到周圍都係，無見過有員工整理下，好似垃圾崗咁！
第二係d牛肉，牛肉質素係ok嘅，跟足台灣有幾款你揀，第一轉就先黎各一，但衛生真係欠俸，每個牛肉盒上都有d肉碎，我唔敢想像究竟d肉碎會唔會係上一手食淨，我只能樂觀地諗應該係刨肉嘅時候痴住左d碎肉jie...但當我見到侍應執檯，將d食淨嘅肉拎番入廚房嘅時候，我就知我真係過份樂觀！
第三，呢個真係好痴線，完全無顧及衛生，就係佢將炸魚皮放係雪櫃最底層，上面其他生料不停漏緊血水同解凍水落下面，無一塊炸魚皮係唔漏嘅，咁你可能會話淥下佢先食囉，係！但係你會淥幾耐個塊炸魚皮先係乎合衛生可食用？我估起碼一分鐘，咁不如去粉麵檔整碟新鮮魚皮食啦洗乜食炸架jie。淨係呢點你已經睇得出間鋪有幾注重衛生啦！
第四，菜只得一款，無選擇！唔係賣哂而係真係得一款，傻的嗎？
最後！食材唔新鮮，特別係豬潤，臭嘅！搞到我連雞子都唔敢試！
最後係甜品稍為好少少有dd驚喜，就係即製pancake，不過成餐飯都唔滿意，試問甜品又能挽回幾多分令我下次再番黎幫襯呢？
如果呢個食評對你有幫助逃過一劫，請按一下推薦，謝謝！
張貼
