阿鴻小吃 (已搬遷) 新店位置

觀塘做完瑜珈 好像餓狼咁。決定同家姐去阿鴻朝聖。因為已經差不多九點 唔洗等位。先黎一碗老火湯。今日係粟米紅蘿蔔海底椰豬骨。夠曬濃 又甜 最緊要係無味精 家的味道 好正。南乳粗齋 我至愛！每次黎必食。好入味 南乳味香 又唔會太咸 而且好足料 冬菇大大件 木耳 紅蘿蔔 旺菜 豆卜 全部入曬味 送飯一流。蒜香雞撈麵 我們第一次食。撈麵如常地爽口彈牙 從未令人失望。蒜香雞好惹味 炸蒜用黎撈麵係加曬分 雞唔會太肥 肉質好滑 好香蒜味 勁讚！鹵水鵝片拼墨魚飯 阿鴻的鹵水真的冇得輸。鵝片啖啖肉 夠juicy 墨魚軟熟唔會un 加埋充滿鹵水汁的飯 嘩 食到唔停得口。阿鴻真是要定時朝聖的飯堂呢！