小曼谷海鮮燒烤屋

營業中

休息中

今次再次黎到九龍城人氣泰菜店～ 就算之前已經食過幾次，但都有好多菜式未試過呀～ 頭先食咗小曼谷嘅熱賣菜式 ，小曼谷五星燒雞，2個人就叫左半隻。 今次嘅燒雞唔算大隻，不過兩個人食都分量都足夠， 燒雞皮薄香脆， 雞肉入味， 不過今次乾咗少少。 味道依然係小曼谷獨有😋 今次叫咗兩樣新嘢，一個係酸辣牛小排沙律， 之前食過燒嘅牛小排覺得好好食，今次試下另一種風味。 牛小排嘅份量係出奇地多，同沙律菜嘅比例差唔多有1:1🤣CP值好高！試完發覺原來牛小排配酸辣汁喺咁夾架。每啖牛小排嘅肥瘦都剛剛好，牛味濃但不油膩。 另一樣新嘅挑戰係泰式風情薄餅。 餅底係平時用黎點咖哩嘅酥餅（薄餅）質地， 餅面芝士份量多，食落有外脆內軟嘅感覺，都喺一個唔錯嘅小食。