Hugo Le Resto Grill (已結業)

餐廳係銅鑼灣一個唔太顯眼既大廈入面，而餐廳燈光微弱，播住英文歌，裝修有小小古式，好有西餐廳既格調！餐包佢有2款唔同既包，好特別！而包有烘過，熱熱地，好脆！美國頂級牛腹肉扒我地叫左7成熟，佢係鐵板上，可以保溫，唔會食到最後舊肉凍晒，呢一點好細心！佢既牛味都有，但有小小韌，有啲難咬，不過唔算太差！佢配既薯條就新鮮炸起，配埋黑松醬勁惹味！非凡鮮羅勒香草醬海鮮扁意粉佢海鮮種類好多，蝦、青口、蜆、魷魚等等，份量好足而且新鮮，扁意粉唔會太淋，香料既味道都好豐富！如果無咁油就會更好食！呢度員工態度非常友善，整體黎講都好好！