Pause It (已搬遷) 新店位置

呢間餐廳我同朋友之前黎過好多次，覺得幾好嘅感覺，而且食物質素都真係好唔錯，但今次發生嘅事令到大打折扣。上星期日同家人係下午時間去到，排隊嘅人唔算多，而且我地都係得2個人。係排隊期間望入餐廳，發現負責水吧嘅男生冇戴上口罩，但一直沖飲品比客人。過左一陣佢有去拎個口罩，但口罩戴到去下巴位置，同冇戴冇分別，然後一邊沖飲品其間更一直同身邊同事傾計，仲冇停過咁講野，都幾肯定d飛沫落哂杯飲品度，因為咁我地都立即走而冇幫襯。其實佢本身係室內冇戴上口罩已經違法，而且係衛生問題，而家疫情真係幾嚴峻，戴口罩已經係最基本要做嘅，對自己，對人地負責任，我真心希望餐廳老闆同員工真係多加注意同埋可以正視，如果又再見到員工冇戴口罩，真係唔會夠膽再去。