影片
更多
2021-04-24
2743 瀏覽
工廈嘅餐廳 預咗門面唔會話好靚但出lift 就望到都ok嘅啱啱入到去 同好多工廈一樣都有一個大嘅area先到檯邊經過咁多次嘅經驗 我諗係同拎食牌有關( ´▽｀)？咁我地特意黎就係為左個$1蛋糕放題行到入去 得一個侍應忙緊聽電話咁我地就等一等一陣之後 有個女仔喺廚房出黎就帶我地入座Menu我就分開upload 食評唔比我放咁多相呢度係食日式西餐嘅main黎講 有一款burger 其他全部飯意 冇雞冇牛扒冇豬扒如果要食$1蛋糕就要每人叫一個set先咁呢度係點樣嗌野食呢一個main 由$98到$158 不等 再加$68成為餐餐就包小食 湯 同甜品 跟餐嘅話野飲半價野飲除咗六款野飲 正價係$32/$38Wow 工廈黎講全部risotto pasta 都真係好貴咁我地目標都明確嘅 咁都真係嗌左兩個set店員話跟嘅前菜係跟辣雞塊我問可唔可以改其他野 佢話唔可以 已經set左朋友再幫我講句我唔食得辣咁店員就話可以幫我轉蜜糖雞翼2隻 我當然ok啦( ´▽｀)等野食就周圍影下 餐廳影出去嘅夜景因為室內比室外光 玻璃就會反光要影清晰海景記得要將電話拍哂落玻璃天氣好 影出黎都好靚呢個係跟餐嘅小食會有半份柚子
工廈嘅餐廳 預咗門面唔會話好靚
但出lift 就望到都ok嘅
啱啱入到去
同好多工廈一樣都有一個大嘅area先到檯邊
經過咁多次嘅經驗 我諗係同拎食牌有關( ´▽｀)？
咁我地特意黎就係為左個$1蛋糕放題
行到入去 得一個侍應忙緊聽電話
咁我地就等一等
一陣之後 有個女仔喺廚房出黎就帶我地入座
Menu我就分開upload 食評唔比我放咁多相
呢度係食日式西餐嘅
main黎講 有一款burger 其他全部飯意
冇雞冇牛扒冇豬扒
如果要食$1蛋糕就要每人叫一個set先
咁呢度係點樣嗌野食呢
一個main 由$98到$158 不等 再加$68成為餐
餐就包小食 湯 同甜品 跟餐嘅話野飲半價
野飲除咗六款野飲 正價係$32/$38
Wow 工廈黎講全部risotto pasta 都真係好貴
咁我地目標都明確嘅 咁都真係嗌左兩個set
店員話跟嘅前菜係跟辣雞塊
我問可唔可以改其他野 佢話唔可以 已經set左
朋友再幫我講句我唔食得辣
咁店員就話可以幫我轉蜜糖雞翼2隻
我當然ok啦( ´▽｀)
等野食就周圍影下 餐廳影出去嘅夜景
因為室內比室外光 玻璃就會反光
要影清晰海景記得要將電話拍哂落玻璃
天氣好 影出黎都好靚
秘制香辣雞塊
31 瀏覽
0 讚好
0 留言
呢個係跟餐嘅小食
會有半份柚子醋沙律 再加四舊辣雞塊
朋友話雞塊係麥炸雞感覺 少少辣
沙律砌得幾靚 唔太酸幾開胃
香草蜜糖無激素雞翼
36 瀏覽
0 讚好
0 留言
我嗰份就係雞塊變左蜜糖雞翼
應該係上碟嗰陣先加啲蜜糖上去
雞翼唔油膩 偏乾
上面嘅野我個人比較意外
湯係餐跟嘅櫻花濃蝦湯 辣湯黎 真係估佢唔到。。
野飲叫左杯latte 同荔枝蜜桃茶
冇諗過cafe 叫嘅latte冇拉花
如果係為影相嘅就叫其他野飲更好
我杯荔枝蜜桃茶就非常豐富
有一塊橙片一粒荔枝兩舊桃一羹椰果
友人仲以為我嗌水果茶。。。
因為料都半杯 加埋冰就變得茶好快飲完
所以個人認為椰果可以省略
不過我咁諗姐 其他人可能就係鍾意多料
蟹肉蟹子明太子扁意粉
$128
20 瀏覽
0 讚好
0 留言
呢個係嗌嘅pasta 成碟都好日式
雖然睇上去好多料
但蟹肉喺個汁道 令到個creamy 嘅汁有啲漿
冇乜咬口
即係好似carbonara 冇煙肉 蜆肉意粉走蜆咁
整體黎講都漏。。
招牌名古屋蒲燒鰻魚蛋包意大利飯
$158
22 瀏覽
1 讚好
0 留言
呢個係招牌菜 大大堆木魚花郁下郁下
個賣相幾靚( ´▽｀)
鰻魚個味都幾濃 偏鹹
但一羹拆開蛋包飯 入面係忌廉煮嘅risotto
。。。。。
即刻變到濃味嘅漏
真係搞唔掂。。全部都係用汁醬煮好漏。。
好少兩個main食剩咁多
小食同湯就冇浪費嘅 不過一直冇人收碟
店員都多數喺哂廚房 可能樓面同廚房係兼任
甜品就係嗰啲1蚊嘅日式蛋糕 但不能自選
獲分派嘅係朱古力忌廉同柚子芝士蛋糕
7 瀏覽
0 讚好
0 留言
柚子芝士蛋糕就係芝士蛋糕上面掃層柚子醬
朱古力蛋糕係三層海綿蛋糕 每層頂都有層cream
友人話柚子好食啲
但我覺得雖然柚子醬酸酸地
但芝士蛋糕個厚實感同少少漏我麻麻地
我覺得朱古力海綿蛋糕會好食啲
海鮮冇咁漏。。 仲解一解漏
友人問我飽未 食完兩個main就連嗰一蚊都唔想比
其實一個set包嘅野都好多
但我個目標本來就係蛋糕
而兩個飯意只係漏到食唔到 應該未飽
所以我就去揀蛋糕
3 瀏覽
0 讚好
0 留言
上起奶茶 焦糖杏仁 榛子mocha
奶茶好好食！
真係好重奶茶味 雖然上兩隻款好似
但真係一食就知邊個係奶茶
食落去奶茶應該係戚風蛋糕 相對上鬆軟啲
空氣感重啲 同真係好重茶味
焦糖杏仁 同榛子就冇乜特別出眾
一個上面係杏仁杏片 一個上面係可可粉
但都係好食嘅 一蚊黎食就算抵嘅
附上單據 要250蚊位食pasta同risotto 真係貴
但可能佢一開始就預左要食一粒蛋糕嘅cost
所以就算喺工業大廈定價都會高
計一計 如果係想食main加野飲
散嗌係158+32+32= 222
跟餐多左湯沙律小食 158+68+16 = 242
其實都係差20蚊
咁好似跟餐就抵啲咁
如果幾個人share黎食建議揀下唯一嘅burger
可能會冇咁漏
始終冇啲啖啖肉啊嗰啲食嘅情況下真係會漏
應該未必會再黎
同一棟大廈另外嘅餐廳cp值會高好多
景一樣但野食好食啲 服務又好啲
張貼
